හිටපු කොටි ලන්ඩනයේ රහස් සාකච්ජාවක! ඉන්දියාව අතහැර චීනයත් එක්ක සෙට් වී ලංකාවට බලපෑම් කරන්න තීන්දු කරලා!

හිටපු කොටි සාමාජිකයින්, කොටි හිතවාදීන් ඇතුළු ශ්‍රී ලාංකික දෙමළ ඩයස්පෝරාව චීනය සමඟ සම්බන්ධ වී ශ්‍රී ලංකාවට බලපෑම් කිරීමේ උත්සහයක නිරත වීමට, ලන්ඩනයේදී පසුගියදා පැවති එම ඩයස්පෝරාවේ සමුළුවකදී තීරණය කර ඇතැයි ‘ද හින්දු’ පුවත් වාර්තා කර තිබේ.

ඉන්දියාව, ශ්‍රී ලාංකික දෙමළ ජාතිකයන් පිළිබඳව ඇල්මැරුණු ස්වභාවයකින් කටයුතු කරන බවට සළකන එම ඩයස්පෝරාව, චීනය ක්‍රමානුකූලව ශ්‍රී ලංකාවේ දිගුකාලීන ආයෝජනයන් මගින් දේශපාලනික හා ආර්ථික වශයෙන් බලපෑම් සහගත මට්ටමකට පැමිණ ඇති බැවින් ඒ හරහා ක්‍රියාකාරී වීමට උත්සහ දරන බවට ඉන්දීය බුද්ධි අංශ අනාවරණය ක‍රගෙන ඇත.

දුර්වල වී සිටින දෙමළ ඊලාම් විමුක්ති කොටි සංවිධානයේ ඇතැම් හිටපු සාමාජිකයින් ද ඇතුළුව ශ්‍රී ලාංකික දෙමළ ඩයස්පෝරාව, චීන රජය විසින් ශ්‍රී ලංකාවේ සිදු කරන ලද මහා පරිමාණ හා දිගු කාලීන ආයෝජන ගැන ‘දැඩි සැළකිල්ලට’ ගෙන ඇතැයි ඉන්දීය බුද්ධි අංශ අනාවරණය කරගෙන ඇති බව එම පුවත් සේවය පැවසීය.

පසුගියදා ලන්ඩනයේදී පැවති ශ්‍රී ලාංකික දෙමළ ඩයස්පෝරාවේ සමුළුවකදී ප්‍රකාශ වී ඇත්තේ ශ්‍රී ලාංකික දෙමළ ජනතාවගේ අවශ්‍යතා ආරක්ෂා කිරීම ඉන්දියාව බැරෑරුම් ලෙස නොසලකන බවත් එහි බලපෑම පවා අහිමි වූ බව නියෝජිතයින්ට හැඟුණු බවත්ය.

චීන ජාතිකයින් උතුරු ශ්‍රී ලංකාව තුළ සිය ආධිපත්‍යය තහවුරු කර ගන්නේ නම් ශ්‍රී ලාංකික දෙමළ ජනතාවගේ ඉරණම අනතුරේ වැටෙන බව එම සමුළුවේදී විශ්වාසය පළකර ඇත.

මේ අනුුව ඉන්දියානු රජයේ පැත්තේ ඇති ‘අකර්මන්‍යතාවය’ හේතුවෙන් චීනය ශ්‍රී ලංකාවේ ප්‍රමුඛස්ථානය ලබා ගැනීමට මාවත සකසා ඇති බවත් ශ්‍රී ලංකාවේ දේශපාලන හා ආර්ථික පදනමක් ඇති කිරීම සඳහා චීන රජය සමඟ සබඳතා ඇති කර ගැනීමට හැකි සෑම උත්සාහයක්ම ගැනීමට ශ්‍රී ලාංකික දෙමළ ඩයස්පෝරාව මෙම සමුළුව තීරණය කළ බව එම පුවත් සේවය සඳහන් කරයි.

තමිල්නාඩු පොලිස් අධ්‍යක්ෂ ජනරාල් (ඩීජීපී) සී. සිලේන්ද්‍ර බාබු, කොටි සුන්බුන් නැවත එකතු වීම සහ චෙන්නායි හි තිරුවාන්මියූර් අසල රැස්වීම් පැවැත්වීම පිළිබඳ විශ්වාසදායක තොරතුරු පිළිබඳව කොමසාරිස්වරුන්/ පොලිස් අධිකාරීවරුන් (එස්පී) වෙත ලියා තිබේ.

ජාත්‍යන්තර සබඳතා සමඟ මත්ද්‍රව්‍ය ජාවාරමේ නිරත වූ බවට සහ ශ්‍රී ලංකාවේ අබලන් වූ සංවිධානයේ පුනර්ජීවනයට අරමුදල් සැපයූ බවට චෝදනා කරමින් ජාතික විමර්ශන ඒජන්සිය (එන්අයිඒ) විසින් හිටපු එල්ටීටීඊ බුද්ධි ක්‍රියාකාරිකයෙකු වන සත්කුනම් (47) අත්අඩංගුවට ගැනීමට දින කිහිපයකට පෙර මෙම අනතුරු ඇඟවීම ලබා දී ඇත.

ජාත්‍යන්තර සබඳතා සමඟ මත්ද්‍රව්‍ය ජාවාරමේ නිරත වූ බවට සහ ශ්‍රී ලංකාවේ හිටපු කොටි සංවිධානයේ පුනර්ජීවනයට අරමුදල් සැපයූ බවට චෝදනා කරමින් ජාතික විමර්ශන ඒජන්සිය (එන්අයිඒ) විසින් හිටපු එල්ටීටීඊ බුද්ධි ක්‍රියාකාරිකයෙකු වන සත්කුනම් හෙවත් සබේසා (47) අත්අඩංගුවට ගැනීමට දින කිහිපයකට පෙර මෙම අනතුරු ඇඟවීම ලබා දී ඇත.

වලසරවාක්කම්, ඉයියප්පතංගල් පිහිටි ඔහුගේ පරිශ්‍රවල තිබී අත්අඩංගුවට ගත් ද්‍රව්‍ය, ඔහු මෙරට සිටින ඔහුගේ සම්බන්ධතා සඳහා විශාල වශයෙන් මුදල් මාරු කළ බවට සාක්ෂි හෙළි කළ බව විමර්ශන නිලධාරීහු පැවසූහ.

චීන ආරක්ෂක භටයින් ශ්‍රී ලංකාවේ වැඩිවෙමින් පැවතීම හා සම්බන්ධ ප්‍රවණතා ගැන ඉදිරි ක්‍රියාමාර්ග සඳහා උපාය මාර්ග ගැන ද මෙහිදී අවධානය යොමුව තිබේ.

අසල්වැසි ප්‍රදේශවල චීන ජාතිකයින් සිටීම ඉන්දියාවට තර්ජනයක් විය හැකි බැවින්, වෙරළබඩ දිස්ත්‍රික්කයන්හි අධීක්‍ෂණය වැඩි කරන ලෙස ඉන්දීය පොලිස්පතිවරයා ඉල්ලා සිටි බව ද හින්දු පුවත් පවසයි.

ඉන්දීය රාජ්‍ය බුද්ධි අංශ පැවසුවේ, සමහර රැඩිකලීකරණය වූ මුස්ලිම්වරුන් පකිස්ථානයෙන් සහ තුර්කියෙන් මෙරටට ගෙනැවිත් ජ්යෙෂ්ඨ දේශපාලන නායකයින් විසින් මඩකලපුව, මුතූර් සහ කල්පති යන ප්‍රදේශවල පදිංචි කරවූ බවයි.

නැගෙනහිර ශ්‍රී ලංකාවේ තම මතවාදය ව්‍යාප්ත කිරීම සඳහා ඔවුන් මද්රාසා පාසල් ආරම්භ කර ඇති අතර ඉන්දියාවට ඇතුළු වීමට සැලසුම් කර තිබූ බව පොලිස් ආරංචි මාර්ග පැවසූ බව ද හින්දු පුවත්පත වාර්තා කරයි.