gossip lanka news line gossip lanka news line
gossip lanka gossip lanka gossip lanka gossip lanka

ඩොලර් නැතිව වාහන ගෙන්වීමේ අලුත් ක්‍රමයක් - ආණ්ඩුවේ මන්ත්‍රීගෙන් ජනපතිට ලියුමක්!

මෙරට තුළ ඇති ඩොලර් පිටතට ගාල යා නොදී රට තුළට වාහනද ගෙන්වීමට හැකි ක්‍රමවේදයක් ගැන පාර්ලිමේන්තු මන්ත්‍රී ප්‍රේමනාත් සී . දොලේවත්ත විසින් ජනාධිපතිවරයාට යෝජනාවක් කර ඇත.

ජනාධිපතිවරයාට ලිපියක් ලියමින් මන්ත්‍රීවරයා යෝජනා කරන්නේ විදෙස්ගතව සිටින ශ්‍රී ලාංකික ශ්‍රමිකයන් ඒ රටවලදී මිලදී ගත් වාහන, ලංකාවට එවීමට හැකි ක්‍රමවේදයක් සකස් කරන ලෙසයි.

මෙම ක්‍රමවේදය මගින් මෙරට තුළ ඩොලර් පිටතට ගලා නොයන අතර තීරු බදු ගෙවීම ද එකී ශ්‍රමිකයන් විසින්ම ඩොලර් මගින් සිදු කරන බැවින් යම් විදේශ විනිමය ප්‍රමාණයක් එට තුළට පිවිසෙන බවද ඔහු පෙන්වා දී ඇත.

මෙරටට වාහන ආනයනය කිරීම තහනම් කර ඇත්තේ මෙරට විදේශ සංචිත අර්බුදය හේතුවෙනි. විදෙස් ගත ශ්‍රමිකයින් මෙරටට විදේශ විනිමය උපයා දෙන ප්‍රධානතම සාධකයයි. එබැවින් ඔවුන්ගේ පවුල්වලට වාහනයක් එවීමට ඉඩ ලබාදීමට මෙමගින් යෝජනා කර තිබේ.

මන්ත්‍රීවරයා විසින් ජනාධිපතිට යැවූ ලිපියේ මෙසේ ද දැක්වේ.

“කොවිඩි-19 ව්‍යාප්තිය සමග අප රටට ආර්ථික වශයෙන්‌ යම්‌ පසුබෑමකට ලක්වීමට සිදුවී ඇත. එයට හේතුව ලෙස මේ වන විට සංචාරක කර්මාන්තයේ සිදුව ඇති පසුබෑම, අනෙකුත්‌ අපනයන ක්ෂේත්‍ර වල සිදුව ඇති පසුබෑම්‌ සහ විදේශයන්‌ හි සේවය කරමින්‌ සිටින ශ්‍රමිකයන්‌ මෙරටට එවනු ලැබු විදේශ විනිමය ප්‍රමාණය අඩු වීම වැනි කරුණු පෙන්වා දිය හැකි අතර ඒ හේතුවෙන්‌ අප රට තුල මේ වන විට ඩොලර්‌ සංචිත වල හිගයක්‌ මතුව ඇත.

මේ හේතුවෙන්‌ මේ වන විට රට තුල පවතින ඩොලර්‌ සංචිත රැක ගැනීම සඳහා අනවශ්‍ය භාණ්ඩ ආනයනය සීමා කර ඇත. එහි එක්‌ පියවරක්‌ ලෙස මෝටර්‌ රථ සහ එම අමතර කොටස්‌ ආනයනය සීමා කර ඇත. එතුළින්‌ විශාල විදේශ විනිමය ප්‍රමාණයක්‌ ඉතුරු කර ගැනීමට අපට හැකිව ඇත. නමුත්‌ මේ ක්‍රියාවලිය “හේතුවෙන්‌ රට තුල අස්වාභාවික ලෙස රථවාහන වල මිල ඉහල ගොස්‌ ඇත. මෙතුලින්‌ වාහනයක්‌ මිළදී ගැනීමට බලාපොරොත්තු වන මෙරට ජනතාවද විශාල වශයෙන්‌ අපහසුතාවයට පත්ව ඇත.

විදේශයන්‌ හි සේවය කරමින්‌ මෙරට ආර්ථිකයට විශාල ශක්තියක්‌ වෙමින්‌ මෙරටට විදේශ විනිමය එවනු ලැබු විදේශ ගත ශ්‍රමිකයන්‌ හෙවත්‌ “රට විරුචන්‌’ කලක පටන්‌ ඔවුන්‌ හට තමා සේවය කරන රටේ සිට මිලදී ගත්‌ මෝටර්‌ රථයක්‌ මෙරටට රැගෙන ඒමට අවස්ථාවක්‌ ලබා දෙන මෙන්‌ ඉල්ලීම්‌ කර ඇත. ඒ අනුව වසරක කාලයක්‌ සඳහා එම “රට විරුවන්‌ හට එසේ මිලදී ගන්නා මෝටර්‌ රථය මෙරටට එවීමටත්‌ එසේ එවන මෝටර්‌ රථ සඳහා ගෙවිය යුතු තීරු බදු මුදල එම විදේශයේ සිට උපයනු ලබන ඩොලර්‌ යොදා ගනිමින්‌ මෙරට රජයට ගෙවීමට අවස්ථාව ලබා දීම තුලින්‌ සහ එම මුදල්‌ රට තුළ වෙනම ගිණුමක එක්රැස්‌ කිරීම තුලින්‌ අතිරේක ඩොලර්‌ සංචිතයක්‌ ‘ගොඩ නගා ගැනීමට හැකි වන අතර එමගින්‌ පහත සඳහන්‌ ප්‍රතිලාභ අප හට ලබා ගත හැක.

මෙම අවස්ථාව ලබා දීමේදී ‘රට විරුවන්‌’ මෙරටට එවා ඇති විදේශ විනිමය ප්‍රමාණය, ඔවුන්‌ විදේශයන්හි සේවය කර ඇති කාල සීමාව වැනි කරුණු පිළිබඳව අවධානය යොමු කර ඔවුනට යම්කිසි තීරුබදු සහනයක්‌ ලබා දිය හැකි නම්‌ එය. ඔවුන්‌ රට වෙනුවෙන්‌ සිදු කර ඇති සේවය පිළිබඳව සිදු කරන කෘතගුණ සැලකීමක්‌ බවද සිහිපත්‌ කරනු කැමැත්තෙමි.


gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka