gossip lanka news line gossip lanka news line gossip lanka news line gossip lanka news line gossip lanka news line
gossip lanka
gossip lanka gossip lanka gossip lanka

බ්‍රිස්බේන් නගර සභික ඇඩර්මන් මිලින්ද රාජපක්ෂව පිළිගත් පෝස්ටුව මකා දමයි – එම පල කිරිම ගැන සමාව අයදියි

ඕස්ට්‍රේලියාවේ බ්‍රිස්බේන් නගර සභාවේ (Pullenvale Ward) සභිකවරයෙකු වන ග්‍රෙග් ඇඩර්මන් (Cr Greg Adermann) මහතා, ශ්‍රී ලංකාවේ දේශපාලනඥ මිලින්ද රාජපක්ෂ මහතාව බ්‍රිස්බේන් නගරයට සාදරයෙන් පිළිගනිමින් සිදුකළ සමාජ මාධ්‍ය පළකිරීමක් දැඩි විවේචනයකට ලක්වීමෙන් අනතුරුව එම පෝස්ටුව ඉවත් කිරීමට තීරණය කර තිබේ.

ඇඩර්මන් මහතා සිය මුල් පෝස්ටුවේ සඳහන් කර තිබුණේ, කොළඹ මහ නගර සභාවේ සභිකවරයෙකු ලෙස දේශපාලන ජීවිතය ආරම්භ කළ මිලින්ද රාජපක්ෂ මහතා, පසුව ශ්‍රී ලංකා පොදුජන පෙරමුණ (SLPP) නියෝජනය කරමින් පාර්ලිමේන්තු මැතිවරණයකට තරග කළ බවත්, ජාත්‍යන්තර සංවර්ධනය සඳහා වූ මාධ්‍ය මධ්‍යස්ථානයේ අධ්‍යක්ෂවරයා හා රජයේ තොරතුරු දෙපාර්තමේන්තුවේ අතිරේක අධ්‍යක්ෂ ජනරාල්වරයා ලෙසද සේවය කර ඇති බවත්ය. ශ්‍රී ලංකාවේ උපත ලද පුද්ගලයින් 9,000කට ආසන්න පිරිසක් දැන් බ්‍රිස්බේන් නගරය තම ගෙදර කරගෙන සිටින බවද ඔහු සඳහන් කර තිබිණි.

කෙසේ වෙතත්, මෙම පෝස්ටුවට විරුද්ධව ශ්‍රී ලාංකික ප්‍රජාවෙන් දැඩි ප්‍රතිචාර එල්ල වූ අතර, ඊට ප්‍රතිචාර දක්වමින් ඇඩර්මන් මහතා පසුව මෙසේ සඳහන් කළේය:

“මගේ පෝස්ටුවට ලැබුණු අදහස් හා ප්‍රතිචාර මම සටහන් කරගෙන ඇත්තෙමි. රාජපක්ෂ මහතා හමුවීමට එකඟවීම තුළින් ශ්‍රී ලාංකික ප්‍රජාවේ සාමාජිකයින්ට කරදරයක් හෝ අමනාපයක් ඇති කර ඇත්නම් මම කනගාටු වෙමි. සංචාරය කරන ගරුතර පුද්ගලයින් හමුවී ඔවුන්ව බ්‍රිස්බේන් නගරයට සාදරයෙන් පිළිගැනීමට අප විටින් විට ඉල්ලා සිටිනු ලැබේ. මම ඊයේ කළේ එය පමණි. ඒ තුළින් ශ්‍රී ලංකාවේ දේශපාලන ගැටලු සම්බන්ධයෙන් මා කිසිදු ස්ථාවරයක් නොගත් බව සහතික විය හැක,” ඔහු පැවසීය.

පසුව, වැඩිදුර අදහසක් එක් කරමින් ඔහු මෙසේ ද සඳහන් කළේය: “මගේ පෝස්ටුවට ප්‍රතිචාර වශයෙන් ලැබුණු සියලුම අදහස් මම කියවා ඇත්තෙමි. මෙය චිත්තවේගීය හා භේදකාරී කාරණයක් බව මම තේරුම් ගන්නෙමි. ඒ අනුව, මෙම පෝස්ටුව ඉවත් කිරීමට මම තීරණය කර ඇත්තෙමි. මෙම අදහස කියවීමට ජනතාවට ප්‍රමාණවත් කාලයක් ලබාදීමෙන් අනතුරුව එය ඉවත් කරමි.”
gossip lanka

Lanka Hot News Advertising

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka