සුරේෂ් සලේ රෝහලෙන් ටිකට් කපයි... වහාම CIDයට ගෙන යයි
රාජ්‍ය බුද්ධි සේවයේ හිටපු අධ්‍යක්ෂ, විශ්‍රාමික මේජර් ජෙනරාල් සුරේෂ් සලේ මහතාට ලබාදෙන ප්‍රතිකාර අවසන් කර ඇති බැවින් ඔහුව කොළඹ ජාතික රෝහලෙන් පිටව යා හැකි බව එම රෝහලේ දස දෙනෙකුගෙන් යුත් විශේෂඥ වෛද්‍ය කමිටුව කොටුව මහේස්ත්‍රාත් අධිකරණය හමුවේ දැනුම් දී ඇත.
ඒ අනුව, සුරේෂ් සලේ මහතාව අද (06) පස්වරුවේදීම නැවත අපරාධ පරීක්ෂණ දෙපාර්තමේන්තුව භාරයට ගැනීමට පියවර ගන්නා බව අතිරේක සොලිසිටර් ජනරාල් දිලීප පීරිස් මහතා අධිකරණය හමුවේ කරුණු දක්වමින් ප්‍රකාශ කර තිබේ.
අපරාධ පරීක්ෂණ දෙපාර්තමේන්තුවේ භාරයේ පසුවෙද්දී හටගත් හදිසි අසනීප තත්ත්වයක් හේතුවෙන් ඒ මහතා මෙලෙස කොළඹ ජාතික රෝහලට ඇතුළත් කර ප්‍රතිකාර ලබමින් සිටියේය.
මේ පුවත තව අයට බලන්න
