.webp)
“මහින්ද 12 වැනිදා අනිවාර්යයෙන්ම අනුරාධපුරේ එනවා... හැබැයි කතාකරන්නේ නෑ” - ජොනී කියයි
ශ්රී ලංකා පොදුජන පෙරමුණ විසින් ලබන 12 වැනිදා අනුරාධපුර නගරයේදී පැවැත්වීමට නියමිත ජනරැලිය අනිවාර්යයෙන්ම පවත්වන බවත්, එම වේදිකාවට හිටපු ජනපති මහින්ද රාජපක්ෂ පැමිණීමට නියමිත බවත් හිටපු අමාත්ය ශ්රී ලංකා පොදුජන පෙරමුණේ මෙහෙයුම් ප්රධානී ජොන්ස්ටන් ප්රනාන්දු ‘දිවයින’ පුවත්පතට පවසා ඇත.
හිටපු ජනාධිපති මහින්ද රාජපක්ෂ ජනරැලියට සහභාගි වුවත්, ඔහු ජනතාව ඇමතීම සඳහා ප්රධාන වේදිකාවට ගොඩ නොවී වේදිකාව ඉදිරිපිට ජනතාව අතර හෝ වෙනත් පීඨිකාවක රැඳී සිටිමින් රැලියට එකතු වීමට තීරණය කර ඇති බවත් ජොන්ස්ටන් ප්රනාන්දු සඳහන් කර තිබේ.
පසුගිය සිකුරාදා අල්ලස් කොමිසම විසින් අත්අඩංගුවට ගනු ලැබූ නාමල් රාජපක්ෂ අධිකරණයට ඉදිරිපත් කිරීමෙන් අනතුරුව ලබන 18 දා දක්වා රක්ෂිත බන්ධනාගාරගත කෙරුණු තත්ත්වයක් තුළ ශ්රී ලංකා පොදුජන පෙරමුණ මෙම තීරණය ගෙන ඇති බව ජොන්ස්ටන් ප්රනාන්දු වැඩිදුරටත් ප්රකාශ කර ඇත.
මේ පුවත තව අයට බලන්න
