බැසිල් අත්අඩංගුවට ගන්න බෑ - නිල නිවේදනයේ ඇත්ත හෙළිවේ!
හිටපු අමාත්ය බැසිල් රාජපක්ෂ මහතා සම්බන්ධයෙන් ජාත්යන්තර පොලිසිය (Interpol) හරහා නිල් නිවේදනයක් (Blue Notice) නිකුත් කර ඇති බවට මහජන ආරක්ෂක අමාත්ය ආනන්ද විජේපාල මහතා සිදුකළ ප්රකාශයත් සමඟ, විදේශගතව සිටින සැකකරුවන් සම්බන්ධයෙන් ජාත්යන්තර නීතිය ක්රියාත්මක වන ආකාරය පිළිබඳව මහජනතාව අතර දැඩි සංවාදයක් නිර්මාණය වී තිබේ.
අමාත්යවරයාගේ ප්රකාශයට අනුව, ශ්රී ලංකාවේ අපරාධ විමර්ශන දෙපාර්තමේන්තුවේ (CID) ඉල්ලීම පරිදි මෙම පියවර ගෙන ඇත්තේ විදේශගතව සිටින දේශපාලනඥයන්ට එරෙහි නීතිමය ක්රියාමාර්ග වේගවත් කිරීමේ අරමුණිනි.
බැසිල් රාජපක්ෂට එල්ල වී ඇති චෝදනා සහ නීතිමය තත්ත්වයමාතර, එළියකන්ද පාරේ බ්රවුන්ස් හිල් ප්රදේශයේ පිහිටි අක්කර 1.5ක ඉඩමක් රුපියල් මිලියන 60කට මිලදී ගැනීම සම්බන්ධයෙන් බැසිල් රාජපක්ෂ මහතාට එරෙහිව චෝදනා එල්ල වී ඇත.
අධිකරණ වරෙන්තුව: ඔහු විදෙස්ගතව සිටීම සහ අධිකරණය හමුවේ පෙනී නොසිටීම හේතුවෙන් මාතර ප්රධාන මහේස්ත්රාත් අධිකරණය විසින් ඔහු අත්අඩංගුවට ගැනීමට වරෙන්තු නිකුත් කරන ලදී. විලම්බයට හේතු: වෛද්ය ප්රතිකාර ලබාගැනීම සඳහා තමන් විදේශගතව සිටින බව රාජපක්ෂ මහතාගේ නීතිඥවරුන් මීට පෙර අධිකරණයට දැනුම් දී තිබුණි.
ඉන්ටර්පෝල් නිල් සහ රතු නිවේදන අතර වෙනසඅමාත්යවරයාගේ ප්රකාශයත් සමඟ ඉන්ටර්පෝල් නිවේදනවල සැබෑ නීතිමය තත්ත්වය සහ ඒවා භාවිත වන ආකාරය පිළිබඳව කරුණු පැහැදිලි කර ගැනීම වැදගත් වේ.
නිල් නිවේදනය (Blue Notice) - අපරාධ විමර්ශනයකට අදාළව පුද්ගලයකුගේ අනන්යතාව, සිටින ස්ථානය හෝ ක්රියාකාරකම් පිළිබඳ අමතර තොරතුරු රැස්කිරීම. අත්අඩංගුවට ගත නොහැක.
රතු නිවේදනය (Red Notice)- නඩු පැවරීම හෝ දඬුවම් නියම කිරීම සඳහා අවශ්ය පුද්ගලයකු සිටින ස්ථානය සොයා අත්අඩංගුවට ගැනීම.
මේ පුවත තව අයට බලන්න
