නුවර වැවේ වැව් තාවුල්ල ගොඩ කර ගෝඨාභය රාජපක්ෂ, ඥාණක්කාට හෝටලයක් සදා දීලා!
අනුරාධපුර ඓතිහාසික නුවර වැව ආශ්රිතව සිදුව ඇති අක්රමිකතාවයක් සහ පරිසර විනාශයක් පිළිබඳව මේ වන විට තොරතුරු අනාවරණය වී ඇත. අවුරුදු 2,300 කට වඩා පැරණි ඉතිහාසයකට උරුමකම් කියන අනුරාධපුර නුවර වැව ප්රදේශයට මාස තුනක පමණ කාලයක සිට ප්රමාණවත් වැසි ලැබී නොමැති අතර මේ වන විට වැවේ ජල මට්ටම සැලකිය යුතු ලෙස පහළ බැස හිඳී ගොස් ඇතැයි වාර්තා වේ.
ගෝඨාභය රාජපක්ෂගේ පාලන සමයේදී ඔහුට උපදෙස් ලබා දුන් බව කියන ජනප්රිය ලෙස ඥාණක්කා නැතහොත් ඥාන මෑණියෝ ලෙස හැඳින්වෙන සාස්තර කියන තැනැත්තියට අයිති බව පැවසෙන හෝටල් සංකීර්ණය පිහිටා ඇත්තේද මෙම නුවර වැව ඉහත්තාව ආශ්රිතවය. රාජ්ය පාලනයේ වැදගත් තීන්දු තීරණ මෙන්ම කැබිනට් මණ්ඩල පත්කිරීම් පවා සිදුවූයේ ඇයගේ උපදෙස් මත බවට එකල දැඩි කතාබහක් නිර්මාණය වී තිබුණි.
නුවර වැවේ ඉහත්තාව එනම් ජල පෝෂක ප්රදේශය ගොඩ කරමින් මෙලෙස හෝටල් සංකීර්ණයක් ඉදිකිරීම තනිකරම නීති විරෝධී ක්රියාවකි. සාමාන්ය පුරවැසියෙකුට කිසිසේත්ම කළ නොහැකි මෙවැනි නීති විරෝධී ඉදිකිරීමක් කිරීමට හැකිවී ඇත්තේ එකල පැවැති ඉහළම දේශපාලන බලය සහ ආශිර්වාදය නිසා බව මෙහිදී පෙනී යයි. මෙය පුද්ගලිකව කාගේ හෝ හෝටලයක් හෝ පුද්ගලික සබඳතාවයක් පිළිබඳ ප්රශ්නයක් නොව මුළු රටටම සහ අනාගත පරම්පරාවට අයිති ඓතිහාසික ජාතික උරුමයක් විනාශ කිරීම පිළිබඳ බරපතල ගැටලූවකි. පසුගිය කාලයේ වැව් තාවුලූවල සහ වැව් ඇතුළත නීති විරෝධී ලෙස ඉදිකර තිබූ හෝටල් සහ ගොඩනැගිලි ඉවත් කිරීමේ ව්යාපෘතියක් ක්රියාත්මක වූ අතර මෙම නුවර වැව ඉහත්තාවේ සිදුව ඇති විනාශය පිළිබඳවද බලධාරීන්ගේ සහ රටේ ප්රධානීන්ගේ අවධානය යොමු විය යුතු අතර මෙවැනි වගකීම් විරහිත විනාශයන්ට එරෙහිව පියවර ගැනීම සමාජ වගකීමක් බව කිව යුතුය.
තවද මෙම ස්ථානය පිහිටා ඇත්තේ අනුරාධපුර නව නුවර පාරේ හමුදා වෛද්ය බලකා පරිශ්රය පසුකර මීටර් කිහිපයක් ඉදිරියට යන විටය. හෝටලයේ නම සහ ප්රධාන කොටස් ගැන සැලකීමේදී ආසරා ලෙස නම් කර ඇති මෙම හෝටල් සංකීර්ණය ඉතා සුඛෝපභෝගී අන්දමින් නිර්මාණය කර ඇත. පරිශ්රය තුළ ආහාර පාන ලබාගැනීම සඳහා වෙන්වූ විශේෂ කොටසක් නවාතැන් පහසුකම් සහිත කාමර සහ පිළිගැනීමේ ස්ථානය යන ප්රදේශ ඇතුළත්ව පවතී. හෝටල් පරිශ්රයේ පිටුපස කොටසේ පිහිනුම් තටාකයක් ඉදිකර ඇති අතර ඒ දෙසට යන මාර්ගය සහ එහි පිහිටීම නිරීක්ෂණය වේ. හෝටලයේ පසුපස ප්රදේශයේ සිට බලන විට නුවර වැවට ඔබ්බෙන් පිහිටි රුවන්වැලි මහා සෑය, අභයගිරිය සහ ජේතවනාරාමය යන ඓතිහාසික චෛත්යයන් ත්රිත්වය පැහැදිලිව දර්ශනය වේ.
මාස තුනකින් පමණ ප්රමාණවත් වර්ෂාවක් නොලැබීම හේතුවෙන් නුවර වැව දැඩි ලෙස සිඳී ගොස් ඇති ආකාරය පෙනේ. මෙම හෝටල් පරිශ්රයේ පිටුපස සිට බලන විට රුවන්වැලි මහා සෑය, අභයගිරිය සහ ජේතවනාරාමය යන අනුරාධපුරයේ ප්රධාන ඓතිහාසික චෛත්යයන් ත්රිත්වයම ඉතා දර්ශනීය ලෙස එකම තීරුවක දිස්වන බව වාර්තාවේ. ගෝඨාභය රාජපක්ෂට රාජ්ය පාලනය සඳහා උපදෙස් ලබා දුන්නේ දේශපාලන විශාරදයන් නොව අනුරාධපුරයේ සිටි මෙම සාස්තර කියන මෑණියන් බව බොහෝ දෙනා පැවසු කාරණයකි. අතීතයේදී එක්තරා ප්රභූවරයෙකු විසින් ඇයට වායුසමීකරණය කරන ලද සුඛෝපභෝගී වැසිකිළි පද්ධතියක් පවා සාදා දුන් බව වාර්තා වු අතර එදා ජනාධිපතිවරයා ඇය කෙරෙහි දැක්වූ අන්ධ භක්තිය හේතුවෙන් ඇයට මෙවැනි අසීමිත බලයක් සහ වරප්රසාද හිමිවූ බව වාර්තා වේ.
මෙම හෝටල් පරිශ්රයේ ඇති බරපතලම ගැටලූව වන්නේ එය නුවර වැවේ වැව් තාවුල්ල එනම් ජල පෝෂක ප්රදේශයේ ගොඩ කිරීමෙන් ඉදිකර තිබීමයි. නුවර වැවේ ස්වභාවික වැව් තාවුල්ල අවසන් වන සීමාවේ සිටම මෙම හෝටලයේ ඉදිකිරීම් ආරම්භ වේ. එහි ඇති විශාල පිහිනුම් තටාකය ඇතුළු අංග ඉදිකර ඇත්තේ සම්පූර්ණයෙන්ම වැව ගොඩ කරමින් බව මෙම ස්ථානය නිරික්ෂණය කිරිමේදී පෙනේ. සාමාන්ය පුරවැසියෙකුට මෙවැනි පරිසර සංවේදී කලාපයක කුඩා හෝ ඉදිකිරීමක් කිරීමට නීතියෙන් කිසිදු ඉඩක් නොලැබෙන පසුබිමක මෙවැනි මහා පරිමාණ ඉදිකිරීමක් සිදුව ඇත්තේ දේශපාලන බලය අනිසි ලෙස භාවිතා කිරීමෙන් බව පෙනේ.
මෙම හෝටල් පරිශ්රයේ ඉදිකිරීම් සහ පරිසර අලංකරණ කටයුතු දකින විට අපට එකවරම බත්තරමුල්ලේ දියත උයන සිහිපත් වන බව පෙනේ. දියත උයන ඉදිකළ ආකෘතියටම සමාන හැඩරුවකින් යුත් ව්යූහයන් මෙහිද දක්නට ලැබෙන අතර මීට ගෝඨාභය රාජපක්ෂගේ සෘජු මැදිහත්වීමක් පවතින බව පෙනී යයි. මෙය ඇය ජනාධිපතිවරයාට සාස්තර කීමේ හිලව්වට ලබා දුන් ත්යාගයක්ද නැතහොත් ඇය විසින්ම මුදල් දී ලබාගත්තක්ද යන්න පිළිබඳව මේ වන විට ගැටලූවක් පවතී. කෙසේ වෙතත් සාමාන්ය කාන්තාවකට මෙවැනි සුවිශාල වටිනාකමකින් යුත් දේපළක් ගොඩනගා ගැනීමට හැකිවීම පිටුපස ඇති දේශපාලන බලපෑම මෙහිදී පෙනී යන බව කිව යුතුය.
අනුරාධපුරයේ කිසිදු විශේෂ ආදායම් මාර්ගයක් නොමැතිව සිටි සාමාන්ය තැනැත්තියක් ඉතා කෙටි කාලයක් තුළ ප්රකෝටි ගණනක් වටිනා මෙවැනි දැවැන්ත හෝටල් සංකීර්ණයක හිමිකාරිය වූයේ කෙසේද යන්න පිළිබඳව ගැටලූවක් පවතී. මෙම අසාධාරණ ලෙස වත්කම් උපයා ගැනීම් සහ දුෂණ පිළිබඳව සෙවීම අපගේ කාර්යය නොවන අතර අල්ලස් හෝ දුෂණ විමර්ශන කොමිෂන් සභාව වැනි බලධාරී ආයතන මගින් මේ පිළිබඳව වහාම පරීක්ෂණ පැවැත්විය යුතුය. යම් පුද්ගලයෙකු හෝටලයක් ඉදිකිරීම හෝ පුද්ගලයන් අතර ඇති සබඳතා පිළිබඳව අපට ගැටලූවක් නැති නමුත් මෙහි ඇති ප්රධානම ප්රශ්නය වන්නේ ඓතිහාසික නුවර වැවේ ජල පෝෂක ප්රදේශයට එනම් වැව් ඉහත්තාවට සිදුකර ඇති දැවැන්ත හානියයි. වැවක ජල පෝෂක ප්රදේශ විනාශ කිරීමට කිසිදු සාමාන්ය පුරවැසියෙකුට නීතියෙන් ඉඩක් නොලැබෙන අතර එසේ තිබියදී මෙවැනි විනාශයක් සිදු කිරීමට හැකිවී ඇත්තේ රාජ්ය බලය අසීමිත ලෙස අනිසි ලෙස භාවිතා කිරීම නිසා බව අමුතුවෙන් කිව යුතු නැත. දේශපාලන බලය අනිසි ලෙස භාවිතා කරමින් ජාතික උරුමයන් විනාශ කරමින් සිදුකරන මෙවැනි අක්රමිකතා පිළිබඳව ජනතාව සහ රටේ බලධාරීන් දැනුවත් විය යුතු අතර වහාම මේ සම්බන්ධයෙන් විමර්ශනයක් සිදු කරන ලෙස අප අල්ලස් කොමිසමෙන් ඉල්ලා සිටින්නෙමු.
මේ පුවත තව අයට බලන්න
