සලේට පෑනක්වත් දෙන්න එපා..! ලැප්ටොප් එක දුවගෙලූ, මොහු නියම හැකර් කෙනෙක්!" - අධිකරණයේදී හෙළි වූ තිගැස්සෙන තොරතුරු!
රාජ්ය බුද්ධි සේවයේ හිටපු ප්රධානී සුරේෂ් සලේ සම්බන්ධයෙන් පැවැත්වෙන නඩු විභාගයේදී දේශපාලන කරළියම හොල්ලන ආන්දෝලනාත්මක රහස් රැසක් අධිකරණය ඉදිරියේ අනාවරණය වෙයි.
පාස්කු ප්රහාරය සම්බන්ධයෙන් රිමාන්ඩ් භාරයේ පසුවන රාජ්ය බුද්ධි සේවයේ හිටපු ප්රධානී, විශ්රාමික මේජර් ජෙනරාල් සුරේෂ් සලේ මහතා සම්බන්ධයෙන් වන නඩු තීන්දුව ප්රකාශයට පත් කරමින් කොටුව මහේස්ත්රාත් පසන් අමරසේන මහතා විසින් පෙරේදා (01) විශේෂ නියෝග කිහිපයක් නිකුත් කර තිබේ.
💻 "ලැප්ටොප් එක දුවගේ කිව්වට සලේ කියන්නේ නියම හැකර් කෙනෙක්!"
නඩුව කැඳවූ අවස්ථාවේදී වින්දිතයන් වෙනුවෙන් පෙනී සිටි ජ්යෙෂ්ඨ රජයේ නීතිඥ ඔසවල්ඩ් පෙරේරා මහතා සමඟ පෙනී සිටි, අතිරේක සොලිසිටර් ජනරාල් ඩිලිප් පීරිස් මහතා අධිකරණය හමුවේ කරුණු දක්වමින් සුරේෂ් සලේ මහතා සතු ඉහළ තාක්ෂණික දැනුම පිළිබඳව විශේෂ අනාවරණයක් කළේය.
"ස්වාමීනී, මොහු සාමාන්ය කෙනෙක් නෙවෙයි, නියම හැකර්වරයෙක්! මොහු අත්අඩංගුවට ගන්නා අවස්ථාවේදී තිබූ ජංගම දුරකථනය සහ ලැප්ටොප් පරිගණකය තමන්ගේ දියණියගේ බව මොහු පැවසුවා. නමුත් විමර්ශනවලදී හෙළි වුණේ ඒවා සලේ සතු ඒවා බවයි. මෙම ජංගම දුරකථනය විවෘත කිරීමට ලැප්ටොප් පරිගණකයත්, ලැප්ටොප් එක විවෘත කිරීමට ජංගම දුරකථනයත් අත්යවශ්ය වන ලෙසයි මොහු මේවා සකස් කර තිබෙන්නේ. එකක් නැතිව අනෙක විවෘත කරන්න බැහැ!"
මේ හේතුව නිසා විමර්ශන කටයුතු සඳහා මෙම උපාංගවල මුරපද (Passwords) වහාම රහස් පොලිසියට ලබා දෙන ලෙස මහේස්ත්රාත්වරයා සුරේෂ් සලේට නියෝග කළේය.
🖊️ "සලේට පෑනක්වත් දෙන්න එපා..!" - පෑනෙන් අනතුරක් කරගනියිද?
රැඳවුම් භාරයේ පසුවන සුරේෂ් සලේ මහතා තමන්ට ලියාපදිංචි කටයුතු සඳහා පෑනක් ලබාදෙන ලෙස කළ ඉල්ලීම අධිකරණය විසින් ප්රතික්ෂේප කර තිබේ. එහිදී පෙන්වා දී ඇත්තේ, සැකකරු සතු දිවි හානිකර ගැනීමේ අවදානම හෝ පෑනක් මඟින් යම් අනතුරක් සිදුකර ගැනීමේ ප්රවණතාවක් පවතින බැවින්, ආරක්ෂක හේතූන් මත ඔහුට පෑනක් හෝ පිටස්තරින් ගෙනෙන පොත්පත්, සඟරා ලබාදීමට නොහැකි බවයි.
🍽️ "නහයෙන් බට දමා සලේ ජීවත් කරවයි!" - උපවාසය මැද නීතිඥයා කියපු කතාව
අධිකරණයේදී කරුණු දැක්වූ ඩිලිප් පීරිස් මහතා සලේගේ වත්මන් තත්ත්වය පිළිබඳව මෙසේ පැවසීය:
"ස්වාමීනී, පසුගිය නඩු වාරයෙන් දින දෙකකට පස්සේ සැකකාර සුරේෂ් සලේ ස්වයං උපවාසයක් ආරම්භ කළා. දැන් ඔහුගේ නාසයෙන් ඇතුළු කළ බටයකින් (Tube) තමයි ඔහුට ආහාර සහ විටමින් වර්ග ලබා දෙන්නේ. වෛද්යවරුන් ඔහුව බලහත්කාරයෙන් ජීවත් කරවනවා. ඔහු මැරෙන්න හැදුවත්, මේ සිද්ධියට අදාළ විමර්ශන අවසන් වනතුරු අපි ඔහුට මැරෙන්න ඉඩ දෙන්නේ නැහැ ස්වාමීනී!"
🔍 නඩු විභාගයේ අනෙකුත් විශේෂ තොරතුරු:
වීඩියෝ තාක්ෂණයෙන් නඩුවට: සුරේෂ් සලේගේ ආරක්ෂාවට දැඩි තර්ජන එල්ල විය හැකි බැවින්, ඉදිරි නඩු දිනයේදී ඔහුව අධිකරණයට ඉදිරිපත් නොකර වීඩියෝ තාක්ෂණය (Video Technology) ඔස්සේ සම්බන්ධ කිරීමට නියෝග කෙරිණි.
ශානි අබේසේකර ඉවත් කරන්නැයි කළ ඉල්ලීම ප්රතික්ෂේප වෙයි: අපරාධ පරීක්ෂණ දෙපාර්තමේන්තුවේ (CID) අධ්යක්ෂ ශානි අබේසේකර මහත්මිය මෙම විමර්ශනවලින් ඉවත් කර වෙනත් අංශයකට පවරන ලෙස සලේ වෙනුවෙන් කළ ඉල්ලීම මහේස්ත්රාත්වරයා විසින් සම්පූර්ණයෙන්ම ප්රතික්ෂේප කරන ලදී. CIDය ඉතා කාර්යක්ෂමව මෙම විමර්ශන සිදුකරන බව එහිදී අවධාරණය විය.
කතෝලික පූජකවරුන් අධිකරණයට: "මේ කතෝලික පූජකවරුන් උසාවි ඇවිත් ඉන්නේ සාධාරණය සහ යුක්තිය අපේක්ෂාවෙන්. ඔවුන් මේ සිදුවීම නිසා හොඳටම විඳවලා තියෙන්නේ. ඔවුන්ට තවදුරටත් විඳවන්න ඉඩ දෙන්න බැහැ" යැයි පවසමින් පූජකතුමන්ලා වෙනුවෙන්ද නීතිඥවරුන් කරුණු දැක්වීය.
