හිටපු ජනාධිපති පුතෙක් වාහන ජාවාරමක පිටරටින් වාහන ගෙනත් රේගුවෙන් පන්නා විකුණලා – CID ය විමර්ෂණ අරඹයි

හිටපු ජනපති පුතෙක් විසින් රේගු බදු වංචා කරමින් රුපියල් කෝටි ගණනක් වටිනා සු‍ඛෝපභෝගි මෝටර් රථ මෙරටට හොර රහසේ රැගෙන ආ ඡාවාරමක් සම්බන්ධයෙන් අපරාධ පරීක්ෂණ දෙපාර්ත‍ේන්තුව විශේෂ විමර්ශනයක් ආරම්භකර ඇත.

මෙම ජාවාරම ක්‍රියාත්මක වී ඇත්තේ පසුගිය ආණ්ඩු කාලවල දීය.කන්ටේනර්වල සඟවා සංවිධානාත්මක ලෙස මෙරටට රැගෙන ආ වාහන කිහිපයක් ගැන තොරතුරු ද අපරාධ පරීක්ෂණ දෙපාර්තමේන්තුව විසින් අනාවරණය කරගෙනද ඇත. එම වාහනද පරිහරණය කරනු ඇතැයි පෙනී ගොස් ඇත්තේ දේශපාලනයට සම්බන්ධ අයගේ දරුවන්ය. ඒ සම්බන්ධයෙන්ද අපරාධ පරීක්ෂණ දෙපාර්තමේන්තුව විසින් මේ වනවිට කරුණු සොයා බලමින් පවතී. හිටපු ජනාධිපතිවරයාගේ පුතා විසින් එසේ කන්ටේනර්වලින් පන්නා මෙරටට රැගෙන ආ වාහන මෝටර් රථ ප්‍රවාහන කොමසාරිස් දෙපාර්තමේන්තුවේ දූෂිත නිලධාරින්ගේ සහයෙන් ලියාපදිංචි කර ඇති බවද විමර්ශනවලින් පෙනී ගොස් ඇත. එසේ හොර පාරෙන් ආ වාහනයක් ගැන විමර්ශන පැවැත්වීමේදී එම වාහනයේ ලියාපදිංචි හිමිකරු බව පැවසෙන දේශපාලනඥයෙකුගේ පුතෙකු ලියාපදිංචි වාහනයට රේගු බදු ගෙවා ඇති බව ද පෙනී ගොස් තිබේ. එවැනි වාහන රාජසන්තක කරනවා වෙනුවට බදු ගෙවීමට අවස්ථාව ලබාදීමක් ගැනද තොරතුරු අනාවරණය වී ඇත.

අපරාධ පරීක්ෂණ දෙපාර්තමේන්තුව විසින් කළ විමර්ශනයකදී තවත් එවැනිම වාහනයක් අත්අඩංගුවට ගෙන තිබේ. එම වාහනය අත්අඩංගුවට ගෙන ඇත්තේ ආණ්ඩු පෙරළියට ටික කලකට පෙරය. එහිදී එම වාහනය භාරව සිටි පුද්ගලයා එය ජනපති පුතෙකුට අයත් එකක් බව පවසා ඇති බව ද සඳහන්ය. එම වාහනය අපරාධ පරීක්ෂණ දෙපාර්තමේන්තුව විසින් ශ්‍රී ලංකා රේගුවට භාරදී ඇති බවත් වත්මන් ආණ්ඩුව බලයට ඒම හේතුවෙන් එම වාහනයටද බදු ගෙවා නිදහස් කර ගැනීමට හැකිවී නැති බව සඳහන්ය. එය තවදුරටත් රේගු භාරයේ ඇති බවත් ඒ සම්බන්ධයෙන් ප්‍රශ්න කිරීමට ඉදිරි සතිය තුළ හිටපු ජනපති පුතා අපරාධ පරීක්ෂණ දෙපාර්තමේන්තුවට ගෙන්වීමට නියමිත බවත් පොලිස් ආරංචිමාර්ග සඳහන් කළේය.