ඩේසි ආච්චිව නිදහස් කළා නම් මාවත් නිදහස් කරන්න – යෝෂිත රාජපක්ෂ අධිකරණයෙන් ඉල්ලයි

වසර තුනක කාල­ය­කදී විශු­ද්ධි­ක­ර­ණය කළ මුද­ලින් රුපි­යල් කෝටි 08කට අධික මුද­ලක් යොදවා රත්ම­ලාන හා දෙහි­වල ප්‍රදේ­ශ­ව­ලින් ඉඩම් ඇතුළු දේපළ මිලදී ගත් බවට මුදල් විශු­ද්ධි­ක­ර­ණය වැළැ­ක්වීමේ පනත යටතේ නීති­ප­ති­ව­රයා කොළඹ මහා­ධි­ක­ර­ණයේ තමන්ට එරෙ­හිව ගොනු­කර ඇති නඩු­වෙන් තමන් මුදා­හ­රි­න්නැයි ඉල්ලා හිටපු ජනා­ධි­පති මහින්ද රාජ­පක්ෂ මහ­තාගේ පුත් යෝෂිත රාජ­පක්ෂ මහතා විසින් අභි­යා­ච­නා­ධි­ක­ර­ණ­යට ප්‍රති­ශෝ­ධන පෙත්ස­මක් ඊයේ (03) ගොනු කළේය.

එම නඩු­වෙන් යෝෂිත රාජ­පක්ෂ මහතා සමඟ චෝදනා ලැබ සිටි ඩේසි ෆොරස්ට් නමැති කාන්තාව මුදා­හැර තිබි­යදී තම සේවා­දා­ය­ක­යාට එරෙ­හිව පම­ණක් මුදල් විශු­ද්ධි­ක­ර­ණය කිරීම යටතේ ‘කුම­න්ත්‍ර­ණය’ නමැති චෝද­නාව පව­ත්වා­ගෙන යන්නේ කෙසේද? යනු­වෙන් ප්‍රශ්න කර­මින් ගොනු­කර ඇති මෙම ප්‍රති­ශෝ­ධන පෙත්සම විභා­ග­යට ගැනී­මට අභි­යා­ච­නා­ධි­ක­ර­ණය අව­සර දුන්නේය.

අභි­යා­ච­නා­ධි­ක­රණ විනි­සු­රු­ව­රුන් වන අමල් රණ­රාජා හා සුමුදු ප්‍රේම­චන්ද්‍ර මහ­ත්ව­රු­න්ගෙන් සම­න්විත විනි­සුරු මඬුල්ල හමුවේ පෙත්සම සලකා බැලිනි. යෝෂිත රාජ­පක්ෂ මහතා විසින් ගොනු කළ මෙම පෙත්සමේ වග­උ­ත්ත­ර­කරු වෙනු­වෙන් නීති­ප­ති­ව­රයා නම් කර ඇත.

පෙත්සම කැඳවූ අව­ස්ථා­වේදී පෙත්ස­ම්කරු වෙනු­වෙන් නීතිඥ හෆිල් ෆාරිස් මහතා කරුණු දක්ව­මින්, 2012 සහ 2015 අතර වසර 03ක කාල­සී­මා­වක් තුළදී රුපි­යල් කෝටි 08කට අධික මුද­ලක් විශු­ද්ධි­ක­ර­ණය කළැයි චෝදනා කර­මින් මුදල් විශු­ද්ධි­ක­ර­ණය වැළැ­ක්වීමේ පනත යටතේ තම සේවා­දා­ය­ක­යාට හා ඩේසි ෆොරස්ට් නමැති කාන්තා­ව­කට එරෙ­හිව නීති­ප­ති­ව­රයා විසින් ‘කුම­න්ත්‍ර­ණය’ කිරීම නමැති වර­දට අදාළ චෝදනා ඉදි­රි­පත් කර තිබුණේ යැයි කීය.

පසු අව­ස්ථා­වක ඉදි­රි­පත්වූ කරුණු මත නීති­ප­ති­ව­ර­යාගේ ද ඉල්ලීම මත ඩේසි ෆොර්ස්ට් නමැ­ත්තිය මහා­ධි­ක­රණ නඩු­වෙන් නිද­හස් කළ බවත්, එම තැනැ­ත්තිය සමඟ එක­ඟ­තා­ව­කින් කුම­න්ත්‍ර­ණය කළ බවට තම සේවා­දා­ය­ක­යාට එරෙ­හිව නඟා තිබූ චෝද­නා­වෙන් ඔහු නිද­හස් කරන ලෙස මහා­ධි­ක­ර­ණ­යෙන් ඉල්ලා ඇත. එම ඉල්ලීම කරනු ලැබුවේ තම සේවා­දා­ය­ක­යාට එරෙ­හිව පම­ණක් ‘කුම­න්ත්‍ර­ණය’ නමැති චෝද­නාව පවරා පව­ත්වා­ගෙන යෑමට නොහැකි හෙයින් බවත් කී නීතිඥ හෆිල් ෆාරිස් මහතා, මේ සම්බ­න්ධ­යෙන් ඉදි­රි­පත් කළ මූලික විරෝ­ධතා මහා­ධි­ක­රණ විනි­සු­රු­ව­රයා ප්‍රති­ක්ෂේප කළ බවත් දැනුම් දුන්නේය. විත්ති­කා­රිය නිද­හස් කර තිබි­යදී තම සේවා­දා­ය­ක­යාට එරෙ­හිව පම­ණක් ‘කුම­න්ත්‍ර­ණය’ නමැති චෝද­නාව පව­ත්වා­ගෙන යන්නේ කෙසේද? යනු­වෙන් නීතිඥ හෆිල් ෆාරිස් මහතා ප්‍රශ්න කළ අව­ස්ථා­වේදී මෙවැනි අව­ස්ථා­ව­කදී කළ යුත්තේ කුමක්ද? යනු­වෙන් අභි­යා­ච­නා­ධි­ක­රණ විනි­සුරු අමල් රණ­රාජා මහතා කළ විම­සී­ම­කට පිළි­තුරු දෙමින්, එවැනි අව­ස්ථා­වක අධි චෝදනා පත්‍රය ඉල්ලා අස්කර ගැනී­මට නීති­ප­ති­ව­රයා කට­යුතු කළ යුතු බවත්, අවශ්‍ය නම් පසු අව­ස්ථා­වක යළිත් චෝදනා පත්‍ර­යක් ගොනු කිරී­මට හැකි­යාව ඇති බවත් නීතිඥ හෆිල් ෆාරිස් මහතා පෙන්වා දුන්නේය.

වග­උ­ත්ත­ර­කාර නීති­ප­ති­ව­රයා වෙනු­වෙන් පෙනී සිටි නියෝජ්‍ය සොලි­සි­ටර් ජන­රාල් ජනක බණ්ඩාර මහතා කරුණු දක්ව­මින්, මහා­ධි­ක­රණ නඩුවේ මෙම විත්ති­කා­රි­යක වශ­යෙන් නම්කර සිටි ඩේසි ෆොරස්ට් නමැ­ත්ති­යට නඩු විභා­ග­ය­කට මුහුණ දීමට සුදුසු මාන­සික තත්ත්ව­යක් නොමැති බවට වසර 10කට පෙර නුගේ­ගොඩ දිසා අධි­ක­ර­ණ­යෙන් තීන්දු­වක් දී ඇතැයි පැව­සීය. ඒ බව මහා­ධි­ක­රණ නඩු­වේදී පෙන්වා දීමෙන් අන­තු­රුව විත්ති­කා­රි­යගේ මාන­සික තත්ත්වය පිළි­බඳ මාන­සික වෛද්‍ය පරී­ක්ෂ­ණ­ය­කට යොමු කළ බවත්, එම පරී­ක්‍ෂ­ණ­යේදී නඩු විභා­ග­ය­කට මුහුණ දීමට සුදුසු මාන­සික තත්ත්ව­යක් ඇයට නොමැති බවට වෛද්‍ය වාර්තා­වක් ඉදි­රි­පත් වූ බවත් කී නියෝජ්‍ය සොලි­සි­ටර් ජන­රාල් ජනක බණ්ඩාර මහතා, එම වෛද්‍ය වාර්තාව පද­නම් කර­ගෙන අදාළ නඩු­වෙන් විත්ති­කා­රිය නිද­හස් කිරී­මට අධි­ක­ර­ණය නියම කළ බවත් පැව­සීය.

අභි­යා­ච­නා­ධි­ක­රණ විනි­සුරු අමල් රණ­රාජා මහතා ඒ අව­ස්ථා­වේදී අධි­ක­ර­ණය අම­ත­මින් ඩේසි ෆොරස්ට් නමැති විත්ති­කා­රිය මහා­ධි­ක­රණ නඩු­වෙන් නිද­හස් කර ඇත්තේ තාක්ෂ­ණික කරු­ණක් මත බවත්, ඒ බව මහා­ධි­ක­රණ විනි­සු­රු­ව­රයා සිය නියෝ­ගය සඳ­හන් කර ඇති බවත් පෙන්වා දුන්නේය.

නියෝජ්‍ය සොලි­සි­ටර් ජන­රාල් ජනක බණ්ඩාර මහතා කරුණු දක්ව­මින් මහා­ධි­ක­රණ නඩු­වෙන් ඩේසි ෆොරස්ට් නමැති විත්ති­කා­රිය නිද­හස් කර ඇත්තේ වෛද්‍ය­මය හේතුන් මත බවත්, විත්ති­කා­රිය නිද­හස් කළ කරුණ පද­නම් කර­ගෙන මහා­ධි­ක­රණ නඩුවේ පළමු විත්ති­ක­රුට එරෙහි චෝදනා පවරා පව­ත්වා­ගෙන යෑමට කිසිදු බාධා­වක් මතු නොවන බවත් පෙන්වා දුන්නේය.

දෙපා­ර්ශ්වයේ කරුණු සලකා බැලී­මෙන් අන­තු­රුව මෙම ප්‍රති­ශෝ­ධන පෙත්සම පිළි­බඳ විභා­ගය ජුනි 16 වැනිදා පැවැ­ත්වී­මට විනි­සුරු මඬුල්ල තීර­ණය කළේය. පෙත්සම සම්බ­න්ධ­යෙන් විරෝ­ධතා ඇතොත් ජුනි 08 වැනි­දාට පෙර ගොනු කිරී­මට වග­උ­ත්ත­ර­කාර පාර්ශ්ව­ය­ටද ප්‍රති විරෝ­ධතා ඇතොත් ජුනි 11 වැනි­දාට පෙර ගොනු කිරී­මට පෙත්ස­ම්කාර පාර්ශ්ව­ය­ටද නියම කළේය.