![Gossip Lanka](https://blogger.googleusercontent.com/img/b/R29vZ2xl/AVvXsEg02eRUfksMWUV-GnxKqzs69wfVrjvq57XWXmtUItM-9CiGBC7v8lNsizQILHlZNPO2g3Vuo7PHDVopP4nXuteLD1QquSg7JiquiZAVPpvFxjjshTVI0Jf7FzRkvbcBhNw7B5i1Y21DlhMVUWumWdURb41Z0NPJehRaheW2GSzUQLyFtIQBgWkmYDXjh5w/s1600/noha-clz.gif"")
පාස්කු ප්රහාරය එල්ල කරන්න සිටියේ පෝයදා පෙරහැරට... සැලසුම ඇමරිකාවේ - ප්රහාරයේ ඇප මත සිටින ප්රධාන සැකකරුවෙන් මාධ්ය හමුවේ
පාස්කු ඉරිදා මරාගෙන මැරෙන ප්රහාරය සම්බන්ධයෙන් වසර දෙකකට ආසන්න කාලයක් රිමාන්ඩ් බන්ධනාගාරගතව සිටි සැකකරුවෙකු වන මොහොමඩ් ෆසල්, එම ප්රහාරය පිළිබඳව මෙතෙක් අනාවරණය නොවූ ආන්දෝලනාත්මක තොරතුරු රැසක් මාධ්යවේදී චමුදිත සමරවික්රම මහතා සමඟ පැවැත්වූ විශේෂ සාකච්ඡාවකදී හෙළිදරව් කර සිටියේය.
මොහොමඩ් ෆසල් පවසන පරිදි, මෙම ප්රහාරය ඉන්දියාවේ ‘රෝ’ සංවිධානය මෙහෙයවූවක් නොව, එය සම්පූර්ණයෙන්ම ඇමරිකානු ව්යාපෘතියක් වේ.
ප්රහාරයේ මහමොළකරු ලෙස සැලකෙන සහරාන් හෂීම් සම්බන්ධ කර ගැනීම සඳහා ඇමරිකානු බලධාරීන් විසින් ‘අබූහින්’ නමැති ව්යාජ චරිතයක් නිර්මාණය කළ බව ඔහු සඳහන් කරයි.
මෙම අබූහින් මුලින්ම සහරාන්ගේ මල්ලි හරහා ඔහු සම්බන්ධ කරගෙන පසුව සහරාන්ව ප්රහාරය සඳහා පොළඹවා ඇති බව ෆසල්ගේ මතයයි.
මෙම සාකච්ඡාවේදී ඔහු කළ තවත් කැපී පෙනෙන හෙළිදරව්වක් වන්නේ, සහරාන් ඇතුළු පිරිසගේ මුල් සැලසුම තිබුණේ කිතුනු දේවස්ථානවලට ප්රහාර එල්ල කිරීමට නොවන බවයි.
ඔවුන්ගේ මූලික ඉලක්කය වී තිබුණේ පොසොන් හෝ වෙනත් පෝය දිනක පැවැත්වෙන බෞද්ධ පෙරහරකට ප්රහාර එල්ල කිරීම බව ඔහු පවසයි.
බෞද්ධ ජනතාව ඉලක්ක කර ප්රහාරයක් එල්ල කිරීම මගින් රට තුළ විශාල කලබලයක් ඇති කිරීම ඔවුන්ගේ අරමුණ වූ බව ෆසල් වැඩිදුරටත් කියා සිටියි.
ප්රහාරය එල්ල කිරීමට ඔවුන් අප්රේල් 14 වනදා පැවති අවුරුදු උත්සවයකට ද සැලසුම් කර තිබුණත්, ඒ වන විට පුපුරන ද්රව්ය නිසි ලෙස වේළී නොතිබීම හේතුවෙන් එම සැලසුම වෙනස් වූ බව ඔහු හෙළි කරයි.
මෙම පුපුරන ද්රව්ය කඩිනමින් වේළා ගැනීම සඳහා සහරාන්ගේ පිරිස වොෂින් මැෂින් එකක් පවා මිලදී ගෙන ඇති අතර, ප්රහාරයට පෙර බෝම්බ ප්රවාහනය කළ ලොරියේ මෙම වොෂින් මැෂින් එක ද තිබූ බව ඔහු පවසයි.
මෙම ප්රහාරයේ අවසන් අරමුණ වූයේ එවකට පැවති යහපාලන රජය පෙරළා ආරක්ෂාව සම්බන්ධයෙන් දැඩි ක්රියාමාර්ග ගන්නා නායකයෙකු බලයට ගෙන ඒම බව ෆසල් පෙන්වා දෙයි.
විශේෂයෙන්ම ගෝඨාභය රාජපක්ෂ මහතාට දේශපාලනයට පිවිසීමට අවශ්ය පසුබිම මෙම ප්රහාරය හරහා නිර්මාණය වූ බවත්, ඔහුගේ ඇමරිකානු පුරවැසිභාවය අත්හැරීමේ ලිපි ලේඛනවල පවතින ගැටලුකාරී තත්ත්වය පිළිබඳවත් ෆසල් මෙහිදී කරුණු මතු කළේය.
දැනට මෙම ප්රහාරය සම්බන්ධයෙන් මහාධිකරණයේ නඩු පවරා ඇති ප්රධාන සැකකරුවන් 24 දෙනාගෙන් වැඩි පිරිසක් නිර්දෝෂී බව තමන් විශ්වාස කරන බවත්, ඔවුන් වෙනුවෙන් නීතිඥ ගාස්තු සහ ඔවුන්ගේ පවුල්වල නඩත්තුව සඳහා තමන් පෞද්ගලිකව වියදම් කරන බවත් ඔහු අනාවරණය කළේය. මේ සඳහා මේ වන විටත් තමන් කෝටියකට අධික මුදලක් වියදම් කර ඇති බව ඔහු සඳහන් කරයි.
අසාධාරණයට ලක්ව ඇති මුස්ලිම් ජනතාව වෙනුවෙන් තමන් පෙනී සිටින බවත්, සැබෑ සැලසුම්කරුවන් සැඟවී සිටින බවත් පවසන ෆසල්, මෙම කරුණු පිළිබඳව සාක්ෂි සහිතව ඕනෑම තැනකදී කරුණු දැක්වීමට තමන් සූදානම් බව ප්රකාශ කළේය
මේ පුවත තව අයට බලන්න
