![Gossip Lanka](https://blogger.googleusercontent.com/img/b/R29vZ2xl/AVvXsEg02eRUfksMWUV-GnxKqzs69wfVrjvq57XWXmtUItM-9CiGBC7v8lNsizQILHlZNPO2g3Vuo7PHDVopP4nXuteLD1QquSg7JiquiZAVPpvFxjjshTVI0Jf7FzRkvbcBhNw7B5i1Y21DlhMVUWumWdURb41Z0NPJehRaheW2GSzUQLyFtIQBgWkmYDXjh5w/s1600/noha-clz.gif"")
හරක් කටාගෙන් අල්ලස් ගත් තව ලොක්කන් රැසක් හෙලිවෙයි
සංවිධානාත්මක අපරාධ කල්ලි නායක නඳුන් චින්තක වික්රමරත්න හෙවත් ‘හරක් කටා’ සම්බන්ධ මහා පරිමාණ අල්ලස් ජාලය පිළිබඳ විමර්ශන තවදුරටත් පුළුල් වීමත් සමඟ, ඊට සම්බන්ධ තවත් නීතිඥයන්, දේශපාලනඥයන් සහ ජ්යෙෂ්ඨ පොලිස් නිලධාරීන් පිරිසක් ඉදිරි දිනවලදී අත්අඩංගුවට ගැනීමට නියමිත බව වාර්තා වේ.
අල්ලස් හෝ දූෂණ විමර්ශන කොමිෂන් සභාව සහ අපරාධ පරීක්ෂණ දෙපාර්තමේන්තුව එක්ව මෙම විමර්ශන මෙහෙයවනු ලබයි.
පසුගිය සතියේදී මෙම සිද්ධියට අදාළව නීතිඥ රඛිත රාජපක්ෂ, සමගි ජන බලවේගයේ හෝරණ හිටපු ආසන සංවිධායක චරිත් අබේසිංහ සහ සිවිල් ගුවන් සේවා අධිකාරියේ හිටපු අධ්යක්ෂවරයෙකු අත්අඩංගුවට ගෙන රක්ෂිත බන්ධනාගාරගත කිරීමෙන් අනතුරුව, ලැබී ඇති නව සාක්ෂි මත මෙම විමර්ශන තවදුරටත් තීව්ර කර ඇත.
රාජ්ය නිලධාරීන්ගේ තීරණවලට බලපෑම් කිරීමට සහ ‘හරක් කටා’ වෙත විශේෂ වරප්රසාද ලබාගැනීම සඳහා විශාල වශයෙන් මුදල් හුවමාරු වී ඇති බවට විමර්ශනවලදී අනාවරණය වී තිබේ.
විමර්ශන නිලධාරීන් මේ වන විට අදාළ මූල්ය ගනුදෙනු, සාක්ෂිකරුවන්ගේ ප්රකාශ සහ රාජ්ය නිලධාරීන් හා සංවිධානාත්මක අපරාධකරුවන් අතර පවතින සබඳතා පිළිබඳව ඉතා සූක්ෂ්ම ලෙස සාක්ෂි පරීක්ෂා කරමින් සිටින බව වාර්තා වේ.
මේ පුවත තව අයට බලන්න
