15දා LC 1782 කතාව ඇන්දිල්ලක්.. LC එකකින් වාහන පන්දාහක් ගේන්න පුළුවන්.. අවුරුදු ගාණකට අධිබාරය නෑ..
රජය පාර්ශවයෙන් ප්රකාශ වන පරිදි පසුගිය 15 වනදා විවෘත කරන ලද ණයවර ලිපි (LC) 1782 සහ ඒම ණයවර ලිපි මගින් මෙරටට ආනයනය කිරීමට නියමිත සැබෑ වාහන සංඛ්යාව අතර විශාල පරස්පරතාවයක් පවතින බව ශ්රී ලංකා වාහන ආනයනකරුවන්ගේ සංගමය පෙන්වා දෙයි.
මෙහිදී විශේෂයෙන්ම අවධාරණය කෙරෙන්නේ එක් ණයවර ලිපියක් යනු එක් වාහනයක් නොවන බවයි. එක් ණයවර ලිපියක් තුළ වාහන 3,000 ක් හෝ 4,000 ක් වුවද ඇතුළත් විය හැකි බවත්, එය ආනයනකරුගේ මට්ටම අනුව තීරණය වන බවත් වාහන ආනයනකරුවන් පවසති.
සාමාන්ය ආනයනකරුවෙකුගේ ණයවර ලිපියක වාහන 2, 5, 10 හෝ 100 ක් තිබිය හැකි වුවද, ප්රධාන නියෝජිත සමාගමකට (Agent) එකම පේළියක් යටතේ වාහන 5,000 ක් සඳහා වුවද එක් ණයවර ලිපියක් විවෘත කළ හැකි බව ඔවුන් පෙන්වා දෙයි.
මැයි 15 වනදා පමණක් ඇමරිකානු ඩොලර් මිලියන 23 ක වටිනාකමකින් යුත් ණයවර ලිපි වාහන වෙනුවෙන් විවෘත වී ඇති බවද ඒම ණයවර ලිපි විවෘත කර ඇත්තේ රජය පනවා ඇති අධිභාරයෙන් නිදහස් වීම සඳහා බව පෙනී යන්නේ යයිද ඔවුන් පෙන්වා දේ.
ජපානය වැනි රටවලින් පාවිච්චි කරන ලද (Used) වාහන ගෙන්වීමේදී චැසි අංකය ඇතුළු සියලු විස්තර ණයවර ලිපියට ඇතුළත් කළ යුතු වුවද, නවතම (Brand new) වාහන ගෙන්වන සමාගම්වලට එම ගැටලුව පැන නොනගින බව සංගමය පවසයි.
සාමාන්ය වාහන ආනයනකරුවන්ගේ ණයවර ලිපියක වලංගු කාලය මාස තුනක් වැනි කෙටි කාලයකට සීමා වුවද, ප්රධාන නියෝජිත සමාගම්වලට වසර එකහමාරක් හෝ දෙකක් වැනි දීර්ඝ කාලයක් වලංගු වන පරිදි ණයවර ලිපි විවෘත කිරීමේ හැකියාව පවතී.
මෙමඟින් එම සමාගම්වලට ඉදිරි වසර කිහිපය සඳහාම අවශ්ය වාහන දහස් ගණනක්, අදාළ අධිභාරය ගෙවීමකින් තොරව මෙරටට ගෙන්වා ගැනීමට අවස්ථාව සලසාගෙන ඇති බව වාහන ආනයනකරුවන්ගේ සංගමය වැඩිදුරටත් සඳහන් කරයි
-lankacnews
