ඇමරිකනු - ඉරාන සාම සාකච්ඡා ශ්රී ලංකාවේ සිට! - විශේෂ මැදිහත්කරු පකිස්ථානයේ මුෂාහිඩ් සයිඩ් දැන් මෙරට!
පකිස්ථාන සෙනෙට් මණ්ඩලයේ ආරක්ෂක කමිටු සභාපති සහ ජ්යෙෂ්ඨ දේශපාලනඥයෙකු වන මුෂාහිඩ් හුසේන් සයිඩ් මහතා මේ වන විට ශ්රී ලංකාවේ රැඳී සිටිමින් ඇමරිකාව සහ ඉරානය අතර පවතින උග්ර යුදමය අර්බුදය සමනය කිරීම සඳහා තීරණාත්මක මැදිහත්කරුවෙකු ලෙස කටයුතු කරමින් සිටින බව වාර්තා වේ.
ඔහු ශ්රී ලංකාවේ සිට දුරස්ථ ක්රමවේද (Remote Channels) ඔස්සේ දෙපාර්ශවය සමඟම සෘජු සාකච්ඡා පවත්වමින් සිටින අතර, කලාපීය සාමය ආරක්ෂා කර ගැනීම සඳහා ශ්රී ලංකාව ආරක්ෂිත මධ්යස්ථානයක් ලෙස භාවිත කිරීම ජාත්යන්තරයේ දැඩි අවධානයට ලක්ව තිබේ.
මීට පෙර ජෝන්ස් හොප්කින්ස් විශ්වවිද්යාලයේ (SAIS) පැවති සාකච්ඡාවලදී පකිස්ථාන-චීන සබඳතා සහ ඇමරිකානු-පකිස්ථාන සබඳතාවල අනාගතය පිළිබඳව පුළුල් විග්රහයක් ඉදිරිපත් කළ හුසේන් සයිඩ් මහතා, වර්තමාන ඉරාන-ඇමරිකානු ගැටුම හමුවේ පකිස්ථානය අනුගමනය කරන මධ්යස්ථ සහ සාමකාමී පිළිවෙත මෙහෙයවන ප්රධානියෙකු ලෙස සැලකේ. හෝමුස් සමුද්ර සන්ධියේ පාලනය සහ බලශක්ති අර්බුදය සම්බන්ධයෙන් ඉරානය සමඟ සාකච්ඡා කිරීමට ඔහු සතු විශේෂ පළපුරුද්ද මෙම මොහොතේදී අතිශය තීරණාත්මක වී තිබේ.
හුසේන් සයිඩ් මහතාගේ මෙම ශ්රී ලංකා සංචාරය සහ ඔහුගේ මැදිහත් වීම පිළිබඳව විදෙස් මාධ්ය පවසන්නේ, දකුණු ආසියානු කලාපය තුළ පවතින රාජ්යතාන්ත්රික විශ්වාසය තහවුරු කිරීමට මෙය කදිම අවස්ථාවක් බවයි. ඇමරිකාව විසින් ඉරානයට එරෙහිව දැඩි හමුදාමය ක්රියාමාර්ග ගනිමින් සිටින මොහොතක, හුසේන් සයිඩ් මහතා වැනි ප්රවීණ දේශපාලනඥයෙකු ලංකාවේ සිට මෙහෙයුම් දියත් කිරීම කලාපීය බලවතුන්ගේ එකඟතාවයකින් සිදුවන්නක් බව ද පැවසේ.
- TTV
මේ පුවත තව අයට බලන්න
