![Gossip Lanka](https://blogger.googleusercontent.com/img/b/R29vZ2xl/AVvXsEg02eRUfksMWUV-GnxKqzs69wfVrjvq57XWXmtUItM-9CiGBC7v8lNsizQILHlZNPO2g3Vuo7PHDVopP4nXuteLD1QquSg7JiquiZAVPpvFxjjshTVI0Jf7FzRkvbcBhNw7B5i1Y21DlhMVUWumWdURb41Z0NPJehRaheW2GSzUQLyFtIQBgWkmYDXjh5w/s1600/noha-clz.gif"")
ඉරාන යුද්දය අතහරිනවා... හෝමුස් අවශ්ය අය එය රැකගන්න - ට්රම්ප්
ඉරානය සමඟ පවතින යුද්ධය සම්බන්ධයෙන් කිසිදු සටන් විරාමයකට එළඹීමට තමන් උනන්දු නොවන බව ඇමරිකානු ජනාධිපති ඩොනල්ඩ් ට්රම්ප් ප්රකාශ කර සිටී.
සති තුනකට ආසන්න කාලයක් තිස්සේ ඇවිලෙන මෙම යුද්ධයේදී ඇමරිකානු හමුදා සිය ඉලක්ක සපුරා ගැනීමට ඉතා ආසන්න බවත්, එබැවින් මැදපෙරදිග සිදුකරන හමුදා මෙහෙයුම් ක්රමයෙන් අඩු කිරීමට (winding down) සලකා බලමින් සිටින බවත් ජනාධිපතිවරයා වැඩිදුරටත් පැවසීය.
ධවල මන්දිරයේ සිට ෆ්ලොරිඩා බලා පිටත්ව යාමට පෙර මාධ්යවේදීන් ඇමතූ ට්රම්ප් කියා සිටියේ, අනෙක් පාර්ශවය සම්පූර්ණයෙන්ම විනාශ වෙමින් පවතින මොහොතක සටන් විරාමයකට යාම තේරුමක් නොමැති බවයි. "ඔවුන්ට නාවික හමුදාවක් නැහැ, ගුවන් හමුදාවක් නැහැ, කිසිදු යුධ උපකරණයකුත් නැහැ. යුධමය වශයෙන් ඔවුන් දැන් අවසන්," යැයි ජනාධිපතිවරයා අවධාරණය කළේය.
මෙම යුධමය තත්ත්වය හේතුවෙන් ලෝක වෙළඳපොළේ තෙල් මිල ඉහළ ගොස් ඇති අතර කොටස් වෙළඳපොළේ ද දැඩි පසුබෑමක් දක්නට ලැබේ. විශේෂයෙන්ම ඉරානය විසින් හෝර්මුස් සමුද්ර සන්ධිය අවහිර කිරීම මීට ප්රධාන හේතුව වී ඇත. මේ සම්බන්ධයෙන් සිය 'Truth Social' ගිණුමේ සටහනක් තබමින් ට්රම්ප් කියා සිටියේ, හෝර්මුස් සමුද්ර සන්ධිය ආරක්ෂා කිරීමේ වගකීම එය භාවිතා කරන අනෙකුත් රටවල් විසින් භාරගත යුතු බවයි. නේටෝ (NATO) සංවිධානය මේ සඳහා සහය වීමට තරම් නිර්භීත වී නැති බවට ද ඔහු චෝදනා කළේය.
ඉරානය තුළට පාබල හමුදා නොයවන බවට ජනාධිපතිවරයා මීට පෙර ප්රකාශ කර තිබුණද, පෙන්ටගනය විසින් තවත් මැරීන් භටයින් 2,500ක් මැදපෙරදිග කලාපයට යැවීමට පියවර ගෙන ඇත. මෙය පසුගිය සතිය තුළ සිදුකළ දෙවන හමුදා යෙදවීම ලෙස වාර්තා වේ.
යුද්ධය කඩිනමින් අවසන් කළ හැකි වුවද, තම හමුදා ප්රහාරයන් දිගටම පවත්වාගෙන යන බවත්, ඉරානයෙන් එල්ල වන තර්ජනය සම්පූර්ණයෙන්ම තුරන් කිරීම තම අරමුණ බවත් ජනාධිපති ට්රම්ප් වැඩිදුරටත් ප්රකාශ කර ඇත.
මේ පුවත තව අයට බලන්න
