ඉරානයට ගහන්න ඔන්න මෙන්න... දියාගෝ ගාෂියා අඩමානයි.. ඇමරිකානු ප‍්‍රහාරක ප‍්‍රධානී ලංකාවේ කැරකේ!

ඇමෙරිකානු පැසිෆික් නාවික විධානයේ අණදෙන නිලධාරී අද්මිරාල් ස්ටීව් කෝලර් (Admiral Steve Koehler) මහතා සිය දෙදින නිල සංචාරය නිමා කරමින් ඊයේ (පෙබරවාරි 21) කොළඹින් පිටත්ව ගියේය.

මෙම සංචාරය සිදුවූයේ ඉරානයට එරෙහිව යුදමය ක්‍රියාමාර්ගයක් ගැනීමට ඇති හැකියාව පිළිබඳව ඇමෙරිකානු ජනාධිපති ඩොනල්ඩ් ට්‍රම්ප් අනතුරු අඟවා ඇති උණුසුම් දේශපාලන පසුබිමක වීම විශේෂත්වයකි.

ලොව විශාලතම නාවික විධානයට නායකත්වය දෙන අද්මිරාල්වරයා මෙහිදී ආරක්ෂක රාජ්‍ය අමාත්‍ය මේජර් ජෙනරාල් (විශ්‍රාමික) අරුණ ජයසේකර මහතා හමුවී සාකච්ඡා පැවැත්වීය.

එහිදී කලාපීය ආරක්ෂක අභියෝග ඇතුළු වැදගත් කරුණු කිහිපයක් පිළිබඳව අවධානය යොමු වූ බව ආරක්ෂක අමාත්‍යාංශය ප්‍රකාශ කළේය.

ඇමෙරිකානු තානාපති කාර්යාලය පවසන පරිදි, අද්මිරාල්වරයාගේ මෙම දෙවන ශ්‍රී ලංකා සංචාරය මගින් නිදහස් හා විවෘත ඉන්දු-පැසිෆික් කලාපයක් සඳහා වන ඇමෙරිකානු කැපවීම සහ ශ්‍රී ලංකාව සතු උපායමාර්ගික වැදගත්කම යළි තහවුරු වේ.

ඉරානයේ න්‍යෂ්ටික වැඩසටහන සම්බන්ධයෙන් පැවති රාජ්‍යතාන්ත්‍රික සාකච්ඡා අසාර්ථක වීම හේතුවෙන්, ජනාධිපති ට්‍රම්ප් මෙම සති අන්තයේ පවා යුද ක්‍රියාමාර්ග ගැනීමට ඉඩ ඇති බව වාර්තා වේ.

මේ සඳහා ශ්‍රී ලංකාවට සැතපුම් 1,000ක් පමණ දකුණින් පිහිටි දියාගෝ ගාර්ෂියා (Diego Garcia) යුද කඳවුර යොදා ගැනීමට ඉඩ ඇති බවට වාර්තා වන අතර, එම කඳවුරේ පාලනය බ්‍රිතාන්‍යය විසින් මොරිෂස් රාජ්‍යයට පැවරීමට ගෙන ඇති තීරණයට ද ට්‍රම්ප් දැඩි විරෝධය පළ කර තිබේ. ඕනෑම මොහොතක ඉරානයට එරෙහි ප්‍රහාර සඳහා එම කඳවුර අවශ්‍ය විය හැකි බව ඔහු පවසා ඇත.

මේ අතර, ඉන්දියාවේ නවදිල්ලි නුවර පැවති කෘතිම බුද්ධි (AI) සමුළුවට සහභාගී වූ ශ්‍රී ලංකා ජනාධිපති අනුර කුමාර දිසානායක මහතා ද ඇමෙරිකානු තානාපති සර්ජියෝ ගෝර් මහතා හමුවී කලාපීය ස්ථාවරත්වය පිළිබඳව අදහස් හුවමාරු කර ගත්තේය.

කලාපීය ආතතිය සමනය කිරීම සඳහා ඇමෙරිකානු රාජ්‍ය ලේකම් මාර්කෝ රූබියෝ සහ බ්‍රිතාන්‍ය විදේශ ලේකම්වරිය ද වොෂින්ටනයේදී සාකච්ඡා පවත්වා ඇත

මේ පුවත තව අයට බලන්න