ලෝකෙ හැසිරීම දන්න රනිල් ගෙදර යවා ඇමරිකාවෙන් 30%ක බද්දක් කාලා ජනතාව දුක් විදිනවා - වජිර අබේවර්ධන

ජාත්‍යන්තර හැසිරීම් කල්තියා අවබෝධ කරගත හැකි රාජ්‍ය නායකයන් වර්තමානයේ ශ්‍රී ලංකාවට අත්‍යවශ්‍ය බව එක්සත් ජාතික පක්ෂයේ (එජාප) සභාපති වජිර අබේවර්ධන මහතා අවධාරණය කළේය.

යක්කලමුල්ල කරාගොඩ ශ්‍රී දේව රක්ඛිත විහාරස්ථානයේ ඇසළ කලාපය විවෘත කිරීමෙන් පසු මාධ්‍ය වෙත අදහස් දක්වමින් ඔහු මේ බව සඳහන් කළේය.

අබේවර්ධන මහතා කියා සිටියේ, ඇමරිකා බද්ද සියයට 44 සිට සියයට 30 දක්වා අඩු වීම පිළිබඳව දැනට බොහෝ දෙනා කතා කරන බවත්, මෙවැනි කතා ගැන ලැජ්ජා විය යුතු බවත්ය.

ගෝලීය දේශපාලන හැසිරීම් පිළිබඳව ජනාධිපති රනිල් වික්‍රමසිංහ කලින්ම දැක තිබූ බවත්, එහෙත් එම ගමන කඩාකප්පල් කර දැමූ බවත් එජාප සභාපතිවරයා පැවසීය.

වික්‍රමසිංහ මහතාගේ දැක්ම ජනතාවට තේරුම් ගැනීමට නොහැකි වූ බවත්, ගැටළු විසඳිය හැකි රාජ්‍ය තාන්ත්‍රිකයන් ඉවත් කිරීම නිසා අද ජනතාව දුක් විඳින බවත් ඔහු වැඩිදුරටත් කියා සිටියේය.