රන්ජන් අලි අමාරුවක... CID ප්රශ්ණ කරයි.. අගරදගුරුට බනින හඬපට එලියට!
කොළඹ අගරදගුරු මැල්කම් රංජිත් කාදිනල්තුමන්ට අපහාස වන ආකාරයේ වෛරී ප්රකාශ නිකුත් කර ඇති බවට එල්ලවන චෝදනාවක් සම්බන්ධයෙන් කොළඹ අපරාධ කොට්ඨාසය, රංගන ශිල්පී රන්ජන් රාමනායක මහතාගෙන් (31 දා) පැය 2ක් තිස්සේ ප්රශ්න කර ප්රකාශ ලබා ගත්තේය.
සිවිල් ක්රියාකාරිකයකු වන නාමල් කුමාර නමැත්තා විසින් සිදුකළ මෙම චෝදනාව සම්බන්ධයෙන් විමර්ශන ආරම්භ කළ කොළඹ අපරාධ කොට්ඨාසය මීට ඉහතදී ඔහුගෙන් ද ප්රකාශ සටහන් කරගෙන තිබිණි.
රංගන ශිල්පී රන්ජන් රාමනායක මහතා කාදිනල්තුමන්ට අපහාස වන ආකාරයෙන් නිකුත් කළ ප්රකාශවලට අදාළ හඬපට තමන් සතු බව පවසන නාමල් කුමාර මේ සම්බන්ධයෙන් විමර්ශනයක් කරන ලෙස ජනාධිපතිවරයාගෙන් සහ කාදිනල්තුමන්ගෙන් ද ඉල්ලීම් කර ඇත.
මේ සම්බන්ධයෙන් නාමල් කුමාරගෙන් නැවත ප්රකාශ ලබාගැනීමට නියමිත බව කොළඹ අපරාධ කොට්ඨාස ආරංචි මාර්ග පැවසීය.
හේමන්ත රන්දුණු
