ඉදිරි ජනාධිපතිවරණයේ දි පොහොට්ටුවේ ගාල්ල දිස්ත්‍රික්කයේ ජනාධිපති රනිල් වික්‍රමසිංහට සහයෝගය ලබාදෙන පාර්ශවය හා රනිල් වික්‍රමසිංහ වෙත සහායෝගය ලබා නොදෙන පාර්ශවය විසින් වෙන වෙනම දිස්ත්‍රික් බල මණ්ඩල රැස්වීම් කැඳවා තිබේ.
ජනාධිපතිවරයාට සහයෝගය ලබාදෙන පාර්ශවය නියෝජනය කරණ ශ්‍රිලංකා පොදුජන පෙරමුණේ ගාල්ල දිස්ත්‍රික් නායක සෞඛ්‍ය හා කර්මාන්ත ඇමති වෛද්‍ය රමේෂ් පතිරණ විසින් 03 වැනිදින ශ්‍රිලංකා පොදුජන පෙරමුණේ ගාල්ල දිස්ත්‍රික් බල මණ්ඩල රැස්විම ගාල්ල අකුරල ප්‍රදේශයේ හෝටලයක් තුළ පැවැත්විමට සැලසුම් කොට ඇත.
මේ අතර ශ්‍රිලංකාපොදුජන පෙරමුණේ ලේකම් සාගර කාරියවසම්ගේ උපදෙස් මත පොහොට්ටුවේ ජනාධිපතිවරණ අපේක්ෂකයාට සහයෝගය ලබාදෙන කණ්ඩායම විසින් පොහොට්ටුවේ දිස්ත්‍රික් බල මණ්ඩල රැස්විමක් මෙම මස 04 වැනිදින පස්වරු 4.00ට වදුරඹ ප්‍රදේශයේ හෝටලයක පැවැත්විමට සැලසුම් කොට තිබේ. එම රැස්විම සදහා ශ්‍රිලංකා පොදුජන පෙරමුණේ ජාතික සංවිධායක නාමල් රාජපක්ෂ මන්ත්‍රිවරයා සහභාගිවිමට නියමිතව ඇත.
ජනාධිපතිවරයාට සහයෝගය ලබාදිම සඳහා කැඳවා ඇති පොහොට්ටුවේ ගාල්ල දිස්ත්‍රික් බල මණ්ඩල රැස්වීමට සහභාගි නොවන ලෙස පක්ෂය විසින් හිටපු පළාත් සභා මන්ත්‍රිවරුන්ට පළාත් පාලන නියෝජිතයින්ට දැනුම් දි ඇති බවද දැනගන්නට ඇත.
මේ අතර ජනාධිපතිවරයාට සහයෝගය ලබාදිම සදහා කැදවා තිබු රැස්විමට එක්ව සිටි කෘෂිකර්ම රාජ්‍ය ඇමති නිතිඥ මොහාන් පි ද සිල්වා විසින් පොහොට්ටුවේ රත්ගම ආසන බල මණ්ඩල රැස්විම මෙම මස 04 වැනිදින පස්වරු 2.00ට ඔහුගේ නිවසේ දි පැවැත්විමට සැලසුම්කොට ඇත.
මේ සදහා ශ්‍රිලංකා පොදුජන පෙරමුණේ ජාතික සංවිධායක නාමල් රාජපක්ෂ මන්ත්‍රිවරයා සහභාගිවිමට නියමිතව ඇත.
ලලිත් චාමින්ද
