gossip lanka news line gossip lanka news line gossip lanka news line gossip lanka news line gossip lanka news line
gossip lanka gossip lanka
gossip lanka gossip lanka gossip lanka gossip lanka gossip lanka

දයාසිරි ශ්‍රීලනිපයෙන් නෙරපීමට එරෙහිව අතුරු තහනමක්!

පාර්ලිමේන්තු මන්ත්‍රී දයාසිරි ජයසේකර පක්ෂ සාමාජිකත්වයෙන් සහ මහලේකම් ධුරයෙන් නෙරපීමට ශ්‍රී ලංකා නිදහස් පක්ෂය ගත් තීරණයට එරෙහිව කොළඹ දිසා අධිකරණය විසින් අතුරු තහනම් නියෝගයක් නිකුත් කර තිබේ.

එම පක්ෂයේ හිටපු මහලේකම්වරයා ලෙස කටයුතු කළ දයාසිරි ජයසේකර, තමා එම තනතුරෙන් ඉවත් කිරීමට පක්ෂය ගත් තීරණ අවලංගු කිරීමේ නියෝගයක් නිකුත් කරන ලෙස ඔහු ඉල්ලා තිබිණි.

මහලේකම් ධුරයෙන් ඉවත් කිරීමට ශ්‍රී ලංකා නිදහස් පක්ෂය ගත් තීරණය සහ එම පක්ෂයේ එවක සභාපති මෛත්‍රීපාල සිරිසේන විසින් යොමු කරන ලද ලිපියක් අභියෝගයට ලක් කරමින් ජයසේකර කොළඹ දිසා අධිකරණය හමුවේ මෙම පැමිණිල්ල ගොනු කර තිබිණි.

අදාළ ලිපියෙන් දන්වා ඇත්තේ ඔහුට එරෙහිව විනය පරීක්ෂණයක් පවත්වන බවත්, තමාව ආරක්ෂා කර ගැනීමට නිදහසට කරුණු සපයන ලෙසත්ය.

ඒ අනුව 2023 සැප්තැම්බර් 05 වැනිදා දයාසිරි ජයසේකර මන්ත්‍රීවරයා වහාම ක්‍රියාත්මක වන පරිදි ශ්‍රී ලංකා නිදහස් පක්ෂයෙන් නෙරපා හරින ලද අතර පක්ෂයේ මහලේකම් ධුරයෙන් ද ඉවත් කරන ලදී.

එවක ශ්‍රී ලංකා නිදහස් පක්ෂයේ සභාපති හිටපු ජනාධිපති මෛත්‍රීපාල සිරිසේන මේ බව ජයසේකර මන්ත්‍රීවරයාට ලිපියක් යොමු කරමින් දන්වා සිටියේ පක්ෂයේ ව්‍යවස්ථාවේ ප්‍රතිපාදන අනුව මන්ත්‍රීවරයාට එරෙහිව විනය පරීක්ෂණයක් ද ආරම්භ කරන බවයි.

කෙසේවෙතත්, ජයසේකර මන්ත්‍රීවරයා ඉවත් කිරීම සම්බන්ධයෙන් මතුව ඇති ගැටලුවලට පිළිතුරු දෙමින් හිටපු ජනාධිපති සිරිසේන ප්‍රකාශ කර ඇත්තේ පක්ෂ සාමාජිකත්වය තාවකාලිකව අත්හිටුවා ඇති බවයි.


gossip lanka
gossip lanka gossip lanka gossip lanka gossip lanka

Taboola

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka