ශ්රී ලංකා ක්‍රිකට් කණ්ඩායමට ලෝක කුසලාන තරගාවලියේදී අත් වූ ඉරණමෙන් පසු තමන්ටත් තම දෙමව්පියන්ටත් සමාජ ජාලාවල බැන වදින බව ශ්රී ලංකා ක්‍රිකට් ආයතනයේ සභාපති ශම්මි සිල්වා මහතා සඳහන් කරයි.
ශ්රී ලංකා ක්‍රිකට් ක්‍රීඩකයන්ට ක්‍රිකට් ආයතනය විසින් ලොව ඉහළම මට්ටමේ ක්‍රීඩකයන්ට සිදු කරන ආකාරයේ වියදමක් දරා ඇති බවද ඔහු පැවසීය.
නමුත් තරග වදිද්දී ඇතැම් තීරණ සම්බන්ධයෙන් තමන් පවා පුදුමයට පත් වූ බවද ඔහු කියා සිටී.
කෙසේ වෙතත් ක්‍රිකට් ආයතනය කොතරම් වියදම් කළද ක්‍රීඩා කරන්නේ ක්‍රීඩකයන් විසින් බවත් එම වගකීම ඔවුන් සතු බවත් හෙතෙම කියයි.
ශ්රී ලංකා ක්‍රිකට් සංවර්ධනය කිරීම සඳහා විශේෂ කමිටුවක් පත් කර ඇති බවත් ඉදිරියේදී පැවැත්වෙන තරගාවලි සඳහා ජයග්‍රහණය කිරීමට සූදානම් කරවන බවත් ඔහු තවදුරටත් කියා සිටියේය.
කොළඹදී පැවති උත්සවයක් අමතමින් හෙතෙම මෙම අදහස් පළ කරන ලදී.
