ජනතාවගේ සල්ලිවලින් කාපට් කරපු පාර විවෘත කරන්න ආ රාජ්‍ය ඇමැති සනත් නිශාන්තට ගම්මුන්ගේ විරෝධය! එන්නෙ නැතිව මගින්ම හැරී යයි!

පුත්තලම දළුව ගම්මානයෙ පැවති මාර්ග සංවර්ධන වැඩසටහනකට ආ ජල සම්පාදන රාජ්‍ය ඇමති සනත් නිශාන්ත මහතා මහජනතාවගෙන් එල්ල වූ විරෝධයක් හේතුවෙන් අතර මගින්ම හරවා යෑමට සිදු වූ බව වාර්තා වේ. මහජනතාවගෙන් එල්ල වූ විරෝධය නිසා රාජ්‍ය ඇමැතිවරයා දළුව හන්දියට පමණක් පැමිණ පසුව ආපසු ගොස් ඇත.

ලෝක ආධාර මත ක්‍රීයාත්මක වන අන්තර්ගතිකව ක්‍රීයාත්මක වන සංවර්ධන වැඩසටහන යටතේ පුත්තලම දිස්ත්‍රික්කයෙ දළුව නිර්මලපුර නාවක්කාඩු ඇතුළු මාර්ගයක් කාපට් අතුරා සංවර්ධනය කිරීමේ වැඩසටහනට මෙසේ ජල සම්පාදන රාජ්‍ය ඇමති සනත් නිශාන්ත මහතා හා පුත්තලම දිස්ත්‍රික් සම්බන්ධිකරණ කමිටු සභාපති පාර්ලිමේන්තු මන්ත්‍රි අමල් චින්තක මායාදුන්න මහත්වරුන් එක්විමට නියමිතව තිබී ඇත.මේ සම්බන්ධයෙන් ගම්වාසින්ට ලැබුන තොරතුරක් මත එයට ගම්වාසිහු දැඩි විරෝධයක් එල්ල කළහ.

දළුව ගම්වාසින් නිර්මලපුර කතෝලික දෙවස්ථාන භුමියෙ රැදි සිටිමින් පැමිනි නිළධාරීන් සමග සාකච්ඡ පවත්වා ඇති අතර රාජ්‍ය නිලධාරීන්ට සංවර්ධන වැඩවලිදී බාධා නොකරන බවත් දේශපාලනාඥයන් ඊට සහභාගීවීමට විරෝධය දක්වා ඇත. 

-ලංකාදීප