කෝප් කමිටුවේ සභාපති ධුරයේ කටයුතු කරද්දී ඔහුට එල්ල වී ඇති චෝදනා පිළිබඳව මාධ්‍ය වෙත ප්‍රතිචාර දක්වමින් මෙසේ සදහන් කරයි.
‘මම කනගාටු වෙන්නෙ අපි වැනි අය පාර්ලිමේන්තුවට පැමිණියාම පක්ෂ භේදයෙන් තොරව අපි ආරක්ෂා කර ගත යුතු වුවත් අපිව පාර්ලිමේන්තුවෙන් එළවන්න චරිත ඝාතන කුමන්ත්‍රණය කරන එකටයි.
මම ලෝකයේ ඉහළ පිළිගැනීමක් සහිත විශ්වවිද්‍යාලවලින් ඉගෙනගෙන මෙරට විශ්ව විද්‍යාල ක්ෂේත්‍රයේ වසර තිහක් කටයුතු කරල තියෙනවා. විවිධ තනතුරු දරලා තියෙනවා. මම පාර්ලිමේන්තුවට ආවේ ඉහළ තනතුරක් දරමින් සිටියදීය.
අපි පාර්ලිමේන්තුවට එන අවධියේ පාර්ලිමේන්තුවේ දෙසිය විසිපහම එපා කියමින් තිබුණ අවධියක්. ඒ විදියට පාර්ලිමේන්තුවට ආව මට ඇයි මේ විදියට පදනම් විරහිත චෝදනා නගමින් අවලාද නඟන්නෙ කියලයි මම කල්පනා කරන්නේ’
