සල්ලි දුන්නත් පාර අතිදුෂ්කර බව මතක තියාගන්න! මේක රිදී උණ්ඩයක් නෙමෙයි! IMF ණයේ තියෙන හොඳ නරක දෙකම MOODY’S පෙන්වා දෙයි!

බහුපාර්ශ්වික සහ ගෝලීය මූල්‍ය ආයතනවලින් කොපමණ අරමුදල් ලැබුණත් ශ්‍රී ලංකාවට දුෂ්කර මාවතක් තිබෙන බව Moody’s Analytics හි ජ්‍යෙෂ්ඨ ආර්ථික විද්‍යාඥයෙක් වන කත්‍රිනා එල් මහත්මිය ඊයේ දින රොයිටර් පුවත් සේවයට පැවසීය.

ජාත්‍යන්තර මූල්‍ය අරමුදල (IMF) සඳුදා ශ්‍රී ලංකාව සඳහා ඩොලර් බිලියන 3 කට ආසන්න ණය මුදලක් අනුමත කළ අතර ජනාධිපති මාධ්‍ය ඒකකය පැවසුවේ මෙම වැඩසටහන මඟින් සමස්ත අරමුදල්වලින් ඩොලර් බිලියන 7 ක් දක්වා ප්‍රවේශ වීමට හැකි වනු ඇති බවයි.

“මෙම ණය මුදල නියත වශයෙන්ම ඔවුන් සිතන රිදී උණ්ඩය මෙන් නොවේ” යැයි Moody’s Analytics හි ජ්‍යෙෂ්ඨ ආර්ථික විද්‍යාඥ කත්‍රිනා එල් මහත්මිය පවසා තිබිණ.

“රජයෙන් මෙන්ම ශ්‍රී ලංකාවේ වර්ධන අපේක්ෂාවන් තුළ ද සැලකිය යුතු දියුණුවක් දක්නට නොලැබුණහොත් මූල්‍ය වෙලඳපොලවල පිළිබිඹු වී ඇති උද්යෝගිමත් බව සැබවින්ම මැකී යනු ඇත.” යනුවෙන් ඇය පැවසුවාය.

ඉදිරි මාසවලදී රටට ලැබෙන සියලුම අමතර අරමුදල් ශුභ ආරංචියක් වන නමුත් මූල්‍ය විචක්ෂණභාවය සහ ණය තිරසාරභාවය ප්‍රධාන වනු ඇතැයි ආර්ථික විද්‍යාඥයා පැවසීය.

“ශ්‍රී ලංකාවට කෙතරම් විභව අරමුදල් හෝ සහයෝගයක් ලබා දුන්නද එය තවමත් දුෂ්කර මාර්ගයක් වනු ඇති බව අප මතක තබා ගත යුතුය,” එල් පැවසීය.