සමාජ මාධ්ය ක්රියාකාරී ඩිලාන් සේනානායකට පහරදීමේ සිදුවීමේ සැකකරුවන් හතර දෙනෙකු පොලිසිය විසින් අත්අඩංගුවට ගෙන තිබේ. පොලිසිය සඳහන් කරන්නේ මෙසේ අත්අඩංගුවට ගන්නා ලද සැකකරු පසුගිය සමයේ ගාළු මුවදොර අරගල භූමියේ ක්රියාකාරීව සිටි අයෙකු බවයි.
සැකකරු පොලිසියට පවසා ඇත්තේ තමන් තරුණයෙක් සමග අරගල බිමේ සිටියදී ඩිලාන් සේනානායක ඇතුළු පිරිසක් උසුළු විසුළු කරන ලද බවත් ඩිලාන් සේනානායක තමන්ට පහර දුන් බවත් එයට පළිගැනීමක් ලෙස ඔහු සිටින තැන සොයා ගොස් පහර දුන් බවත්ය.
කෙසේ වෙතත් ඩිලාන් සේනානායක සඳහන් කරන්නේ තමන්ට කිසි විටෙක තරුණියකට උසුළු විසුළු නොකළ බවත් එවන් පහර දීමක් හෝ ගැටුමක් සිදු නොවූ බවත් ය.
පසුගිය වැනිදා නුගේගොඩ, පාගොඩ පාරේ පිහිටි ඩිලාන් සේනානායකගේ නිවසට පැමිණි පුද්ගලයින් දෙදෙනෙකු තියුණු ආයුධයකින් ඩිලාන්ට පහරදීමක් මත තුවාල ලැබූ ඩිලාන් සේනානායක කළුබෝවිල ශික්ෂණ රෝහලට ඇතුළත් කර දින කිහිපයක් නේවාසිකව ප්රතිකාර ලැබිය.