"මරදානේ දී පොලිස් නිලධාරීන් මට අතවර කළා" - හිරුණිකා මානව හිමිකම් යයි

මරදානේ පැවැති විරෝධතාව අතර තමන් ඇතුළු තවත් කාන්තාවන් දෙදෙනකුට පොලිස් නිලධාරීන් විසින් අනවශ්‍ය ශාරීරික හිරිහැර සිදුකළ බවට හිටපු පාර්ලිමේන්තු මන්ත්‍රිනී හිරුණිකා ප්‍රේමචන්ද්‍ර චෝදනා කරයි. 

ඒ පිළිබඳ හිරුණිකා මානව හිමිකම් කොමිෂන් සභාව වෙත පැමිණිල්ලක් ද සිදු කර ඇත.

එයට අදාළ වීඩියෝ දර්ශන පට සහ නිලධාරීන්ගේ අංක ද කොමිසම වෙත ඇය ලබා දී ඇත.

කෙසේ වුව එම වීඩියෝවල ඇත්තේ පොලිස් නිලධාරියෙකු හිරුණිකා මගහැර පිටුපසට යන ආකාරය සහ හිරුණිකා ඔහු පසුපස පන්නා ගෙන යන ආකාරය බවයි, වාර්තා වන්නේ.