ආණ්ඩුවේ කණ්ඩායම් රැස්වීම වර්ජනය කිරීමට වාසුදේව තීන්දු කරයි! එන්න කියලා ආපු කෝල් එකට බෑ කියයි!

ශ්‍රී ලංකා පොදුජන පෙරමුණේ (SLPP) පාර්ලිමේන්තු මන්ත්‍රී වාසුදේව නානායක්කාර මහතා අද පැවසුවේ හෙට පැවැත්වීමට නියමිත කණ්ඩායම් රැස්වීමට සහභාගී වන ලෙස රජය කළ ඉල්ලීම ප්‍රතික්ෂේප කළ බවයි.

මාධ්‍යවේදීන් අමතමින් ඔහු කියා සිටියේ කණ්ඩායම් රැස්වීමට සහභාගී වන ලෙස තමාට ඊයේ දුරකථන ඇමතුමක් ලැබුණු බවයි.

මෙම රැස්වීම හෙට (26) පස්වරු 3.00ට මුදල් අමාත්‍යාංශයේ නව ගොඩනැඟිලි ශ්‍රවණාගාරයේදී පැවැත්වීමට නියමිතය.

“කණ්ඩායම් රැස්වීමට සහභාගි වන ලෙස මට කාන්තාවකගෙන් ඇමතුමක් ලැබුණා. මා කණ්ඩායම් රැස්වීම ගැන විමසූ විට එය ආණ්‌ඩු පක්‍ෂය විසින් සංවිධානය කරන ලද කණ්ඩායම් රැස්වීමක්‌ බව කතා කළ පුද්ගලයා කිව්වා. රැස්වීම ජනාධිපතිවරයාගේ අගමැතිවරයාගේ ප්‍රධානත්වයෙන් පැවැත්වෙනවා.” ඔහු පැවසීය.

“ඇය පණිවිඩකාරිය පමණක් බැවින් මම ඇමතුමට පිළිතුරු දුන්නේ නෑ. නමුත් අපි විපක්ෂයේ සිටින නිසා මම එම කණ්ඩායම් රැස්වීමට සහභාගී නොවන බව මම රටටම කිව යුතුයි” පාර්ලිමේන්තු මන්ත්‍රී නානායක්කාර කීය.