කොල්ලුපිටිය අරලියගහ මන්දිරය ඉදිරිපිට පදික වේදිකාව හරස් කර නවතා තිබු පොලිස් ට්‍රක් රථ හා, බස් රථ අද පස්වරුවේ ඉවත් කළේය.
ඒ අනුව විරෝධකාරුවන් විසින් අට්ටාල කිහිපයක්ම ඉදිකර ඇති අතර ඒවාද ඉවත් කිරීම ආරම්භ කර තිබිණි.
මෙම අවස්ථාවේ එම ස්ථානයට පොලිස් කණ්ඩායම් රැසක් කැඳවා තිබු අතර, අරගලකරුවන් වෙනුවෙන් නීතිඥයින් රැසක් ද පැමිණ සිටියහ.
මහජනයාට අවහිර වන සේ සවිකර තිබු අට්ටාල ඉවත් කළ ද පිරිස එම විරෝධතාව සාමකාමීව එම ස්ථානයේ අයුරින්ම පවත්වාගෙන යයි.
කොටුව මහේස්ත්‍රාත් අධිකරණ ලබා දුන් නියෝගයට අනුව එම බස් රථ සහ වැටවල් ඉවත් කිරීම සිදු කෙරිණි.
