පූජිතත් නිදොස් කොට නිදහස්!

හිටපු පොලිස්පති පූජිත් ජයසුන්දර මහතාව නිදොස්කොට නිදහස් කරන ලෙස කොළඹ ත්‍රිපුද්ගල මහාධිකරණ විනිසුරු මඩුල්ල අද (18) නියම කළේය.

පාස්කු ඉරුදින ත්‍රස්ත ප්‍රහාරයක් එල්ල වන බවට ප්‍රමාණවත් බුද්ධි තොරතුරු ලැබී තිබියදීත් එය වළක්වා ගැනීමට ක්‍රියාමාර්ග නොගැනීම තුළින් සාපරාධි ලෙස රාජකාරිය  පැහැරහැරීම ඇතුළු චෝදනා ඔහුට එරෙහිව එල්ලවී තිබුණි. 

නාමල් බලල්ලේ, ආදිත්‍ය පටබැඳිගේ සහ මොහොමඩ් ඉර්ෂඩීන් යන මහත්වරුන්ගෙන් සමන්විත කොළඹ ත්‍රිපුද්ගල මහාධිකරණ විනිසුරු මඩුල්ලක් විසින් මෙම නියෝගය ලබාදී තිබේ.

දීර්ඝ නඩු විභාගයකින්  අනතුරුව නියෝගය ප්‍රකාශයට පත් කළ විනිසුරුවරු විත්ති වාචකය කැඳවීමකින් තොරව විත්තිකරු නිදොස් කොට නිදහස් කිරීමට නියෝග කළා.

මීට පෙර අද උදෑසන එම චෝදනා ම එල්ලවී සිටි හිටපු ආරක්ෂක ලේකම් හේමසිරි ප්‍රනාන්දු මහතා ද නිදොස්කොට නිදහස් කිරීමට මෙම විනිසුරු මඩුල්ල නියෝග කළේය.