gossip lanka news line gossip lanka news line
gossip lanka gossip lanka gossip lanka gossip lanka

ලංකාව හිර කරන ජිනීවා කාර්යාලය ඇරෙයි! UN එකෙන් මහා සල්ලියක් වෙන් කරයි! ආණ්ඩුව ගහපු ගේම ආපිට කැරකෙයි!

ඉකුත් සමයේ ශ්‍රී ලංකාවට එරෙහිව ඉදිරිපත්ව තිබූ යුද අපරාධ චෝදනා විමර්ශනය කිරීම සඳහා ස්විට්සර්ලන්තයේ ජිනීවාහි පිහිටි එක්සත් ජාතීන්ගේ මානව හිමිකම් කොමිසම මගින් ස්ථාපිත කරනු ලැබූ නව කාර්යාලය සඳහා අරමුදල් වෙන්කිරීමට එක්සත් ජාතීන්ගේ සංවිධානය පියවර ගෙන ඇත.

ඉකුත් මාර්තු මාසයේදී පැවැති ජිනීවා මානව හිමිකම් කොමිසමේදී ලංකාවට එරෙහි යුද අපරාධ චෝදනා විමර්ශනය කිරීම සඳහා නව කාර්යාලයක් විවෘත කළ යුතු බවට යෝජනාවක් සම්මත කෙරුණු අතර, ඒ සඳහා අරමුදල් සපයන ලෙසට එක්සත් ජාතීන්ගේ සංවිධානයෙන් ඉල්ලීමක්ද කර තිබිණි.

නමුත් ඒ අවස්ථාවේදී ආණ්ඩුව තීන්දු කර තිබුණේ මානව හිමිකම් චෝදනා විමර්ශනය කිරීම වළක්වා ගැනීම සඳහා අදාළ කාර්යාලයට අරමුදල් සම්මත කිරීම කෙසේ හෝ වළක්වා ගැනීමටය.

ඒ අනුව ආණ්ඩුවේ ප්‍රධානීන් නිව්යෝර්ක්හි රාජකාරි කළ ශ්‍රී ලංකා නියෝජිතයන්ට දැනුම්දී තිබුණේ කෙසේ හෝ එම කාර්යාලයට අරමුදල් සැපයීම වළක්වා ගැනීමට කටයුතු කරන ලෙසටය.

මෙම කාර්යාලයට අරමුදල් සපයනු ලබන්නේ එක්සත් ජාතීන්ගේ සංවිධානයේ ‘ෆිෆ්ත් කමිටි’ හෙවත් පස්වැනි කමිටුව මගිනි.

ඒ අනුව ආණ්ඩුවේ නියෝජිතයන් මෙම කමිටුවේ නිලධාරීන් හමුවී ඒ සම්බන්ධයෙන් සාකච්ඡා පැවැත්වීමට කටයුතු කොට ඇති බව දැනගන්නට තිබේ.

කෙසේ වෙතත් මේ වන විට අදාළ සාකච්ඡා අසාර්ථක වී ඇති අතර, ලංකාවට එරෙහි චෝදනා විමර්ශනය කිරීම සඳහා ෆිෆ්ත් කමිටුව මගින් අදාළ මුදලින් 60%ක මුදලක් නිදහස් කිරීමට පියවර ගෙන ඇත.

ඒ අනුව, ඉදිරි දින කිහිපය ඇතුළත ලංකාව සම්බන්ධයෙන් විමර්ශන ආරම්භ කිරීමට මෙම නව කාර්යාලය කටයුතු කරනු ඇති බව දැනගන්නට තිබේ.

උපුටා ගැනීම - mawratanews


gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka