කබ්රාල් ආ හැටියේ වැඩ පටන් ගනී! කබ්රාල් ගැන වෝහාරික විගණනය බාරව සිටි දවුලුගල ඉවත් කරයි!

අජිත් නිවාඩ් කබ්රාල් මහතා මහබැංකුවේ අධිපති ධූරය බාරගෙන දිනක් ඉක්ම යාමට මත්තෙන් බැදුම්කර ගනුදෙනු සම්බන්ධයෙන් වෝහාරික ලිපිලේඛන බාරව සිටින ශ්‍රී ලංකා මහබැංකුවේ මූල්‍ය මණ්ඩල ලේකම් කේ.එම්. ඒ. එන්. දවුලුගල මහත්මිය ‌වහාම ක්‍රියාත්මක වන පරිදි එම තනතුරින් ඉවත් කිරීමට පියවර ගෙන ඇත.

අජිත් නිවාඩ් කබ්රාල් මහතාගේ කාල සමයේදී මෙන්ම අර්ජුන මහේන්ද්‍රන් මහතාගේ කාල සමයේදී සිදුව ඇති බැදුම්කර ගනුදෙනුවල සියලු වෝහාරික ලිපිලේඛනවල වගකීම පැවරී තිබුණේ දවුලුගල මහත්මිය යටතටය.

මහේන්ද්‍රන්ගේ සමයේදී කිසියම් පිරිස් ලිපිලේඛන වෙනස්කිරීමට උත්සාහ කළ අවස්ථාවේදී එය වළක්වා තිබුණේද දවුලුගල මහත්මියය.

මෙම ඉවත් කිරීමත් සමග බැදුම්කර ගනුදෙනුවල ඉදිරි විමර්ශන කටයුතුවලට බලපෑම් එල්ල විය හැති බව බොහෝ දෙනාගේ අදහස වී ඇත.