බලය තහවුරු කිරීමට රාජපක්ෂ පවුලෙන් අලුත් දේශපාලන නායකයෙක්! - චරිතය කාන්තාවක්?
දේශපාලනයේ නියැළී සිටින ප්රබල සාමාජිකයන් රැසකට එල්ල වී ඇති බරපතළ දූෂණ හා වංචා චෝදනා හමුවේ, රාජපක්ෂ පවුලේ දේශපාලන අනාගතය රැකගැනීම සඳහා නව උපායමාර්ගික තීරණයකට එළඹෙමින් සිටින බව වාර්තා වේ. පවුලේ ප්රධානීන් සහ ක්රියාකාරීන් කිහිප දෙනෙකු සිරගත වීමේ අවදානමකට මුහුණ දී සිටින පසුබිමක, දේශපාලන කටයුතු ඉදිරියට ගෙන යාම සඳහා කිසිදු චෝදනාවක් නැති අලුත්ම චරිතයක් කරළියට ගෙන ඒමට ඔවුන්ගේ අවධානය යොමුවී ඇත.
පසුගිය සතියේ රාජපක්ෂ පවුලේ ප්රධාන සාමාජිකයන් කිහිප දෙනෙකුගේ සහභාගීත්වයෙන් පැවැති විශේෂ සාකච්ඡාවකදී මේ පිළිබඳව දීර්ඝ ලෙස අදහස් හුවමාරු වී තිබේ.
දැනට සක්රීය දේශපාලනයේ සිටින සියලුම රාජපක්ෂවරුන්ට චෝදනා එල්ල වී ඇති බැවින්, මහජනතාව අතර අවිවාදිත සහ කිසිදු දූෂණ චෝදනාවකට ලක් නොවූ නව මුහුණක් පවුල තුළින්ම තෝරාගත යුතු බවට යෝජනා වී ඇත.
අර්බුදකාරී වාතාවරණයෙන් ගොඩඒම සඳහා එම නව චරිතයට ඉදිරි දේශපාලන මෙහෙයුම් සහ නායකත්වය භාරදීමට සාකච්ඡාවට එක්වූ සියලු දෙනාම එකඟතාව පළ කර තිබේ.
ජනතා අප්රසාදය හමුවේ පවුලේ සාම්ප්රදායික නායකයන් පසුපසට වී, පසුපස සිට මෙහෙයවන අතරතුර ඉදිරියෙන් පිරිසිදු ප්රතිරූපයක් සහිත නව නායකත්වයක් ගොඩනැගීම මෙහි අරමුණ වී ඇත.
ජනතාව සහ දේශපාලන විචාරකයන්ගේ මතය
කෙසේ වෙතත්, මෙලෙස පවුල තුළින්ම අලුත් චරිතයක් ඉදිරිපත් කිරීම හරහා අහිමි වූ මහජන විශ්වාසය නැවත දිනා ගැනීමට හැකිවේද යන්න දේශපාලන විචාරකයන් තුළ පවතින්නේ සැකයකි. මෙය හුදෙක් පවුලේ බලය තහවුරු කරගැනීමට සහ නීතිමය ක්රියාමාර්ගවලින් මිදීමට ගනු ලබන ව්යාජ උපක්රමයක් ලෙස ජනතාව අර්ථකථනය කිරීමට ඉහළ ඉඩකඩක් පවතී.
මේ පුවත තව අයට බලන්න
