නාමල් තව නඩුවකට රිමාන්ඩ්... දිගටම ඇතුලේ!
ශ්රී ලංකන් ගුවන් සමාගමට ‘එයාර්බස්’ වර්ගයේ ගුවන් යානා මිලදී ගැනීමේදී සිදුවූ බව කියන මූල්ය අක්රමිකතා සහ මුදල් විශුද්ධිකරණ සිද්ධියකට අදාළව අපරාධ පරීක්ෂණ දෙපාර්තමේන්තුව මගින් සැකකරුවෙකු ලෙස නම් කර අධිකරණයට ඉදිරිපත් කළ පාර්ලිමේන්තු මන්ත්රී නාමල් රාජපක්ෂ මහතා ලබන සැප්තැම්බර් 23 වනදා දක්වා රක්ෂිත බන්ධනාගාරගත කිරීමට කොළඹ කොටුව මහේස්ත්රාත් පසන් අමරසේන මහතා අද නියෝග කළේය.
ඉදිරිපත් වූ සියලු කරුණු සලකා බැලූ මහේස්ත්රාත්වරයා, සැකකරුගේ ඇප ඉල්ලීම පිළිබඳ නියෝගය සැප්තැම්බර් 23 වනදා ප්රකාශයට පත් කරන බව දන්වමින් එදින දක්වා ඔහු රක්ෂිත බන්ධනාගාරගත කරන ලෙස නියෝග කළේය.
නඩු විභාගය අතරතුර කරුණු දැක්වූ විමර්ශන නිලධාරීන් සඳහන් කළේ, ගුවන් යානා මිලදී ගැනීමේදී සිදු වූ බව පැවසෙන අල්ලස් සිද්ධියක් සම්බන්ධයෙන් ශ්රීලංකන් ගුවන් සමාගමේ හිටපු ප්රධාන විධායක නිලධාරී කපිල චන්ද්රසේන සහ ඔහුගේ බිරිඳට එරෙහිව කොටුව මහේස්ත්රාත් අධිකරණයේ විභාග වන නඩුවේ සිව්වන සැකකරු ලෙස පාර්ලිමේන්තු මන්ත්රී නාමල් රාජපක්ෂ මහතා නම් කිරීමට පසුගිය සැප්තැම්බර් 11 වනදා පියවර ගත් බවයි.
එමෙන්ම, මෙම එයාර්බස් ගනුදෙනුව සම්බන්ධයෙන්ම අල්ලස් හෝ දූෂණ චෝදනා විමර්ශන කොමිෂන් සභාව මගින් සිදුකරන වෙනත් විමර්ශනයකට අදාළව, කොළඹ ප්රධාන මහේස්ත්රාත්වරයා විසින් නාමල් රාජපක්ෂ මහතා මේ වන විටත් රක්ෂිත බන්ධනාගාරගත කර ඇති බව අද දින නඩුව කැඳවූ අවස්ථාවේදී අධිකරණය හමුවේ වැඩිදුරටත් කරුණු දක්වමින් අනාවරණය කෙරිණි.
මේ පුවත තව අයට බලන්න
