22 විවාදයේදී අධිකරණයේ පුදුම හෙලිදරවුවක්... 76 අවුරුදු ශාප කාලෙදි ආයු අපේක්ෂාව 68%කින් වැඩිවෙලා!
ආණ්ඩුක්රම ව්යවස්ථාවේ 22 වන සංශෝධන පනත් කෙටුම්පතේ ව්යවස්ථානුකූලභාවය සම්බන්ධයෙන් ඉදිරිපත් වූ පෙත්සම් විභාගයේදී, ජනාධිපති නීතිඥ මොහාන් වීරකෝන් මහතා අධිකරණය හමුවේ කරුණු දක්වමින් කියා සිටියේ විනිසුරුවරුන්ගේ විශ්රාම වයස ඉහළ නැංවීම වර්තමානයට ඉතා උචිත කාලෝචිත පියවරක් බවයි.
හිරු පුවත් සේවය වාර්තා කරන පරිදි, මෙරට ජනගහන වර්ධනය සහ පුද්ගල ආයු අපේක්ෂාව ඉහළ යාම පිළිබඳ සංඛ්යාලේඛන ඉදිරිපත් කරමින් ඔහු සිය තර්කය තහවුරු කළේය.
නිදහස ලැබූ 1948 වසරේ සිට ගතවූ වසර 76ක කාලය තුළ මෙරට ජනතාවගේ ආයු කාලය වර්ධනය වී ඇති ආකාරය ඔහු පැහැදිලි කළේය.
1948 වසරේදී මෙරට පුද්ගලයෙකුගේ සාමාන්ය ආයු කාලය වයස අවුරුදු 48ත් 55ත් අතර පැවතුණි.1978 වසර වන විට එය වයස අවුරුදු 67ත් 69ත් දක්වා වර්ධනය විය. වර්තමානය වන විට පිරිමි පුද්ගලයෙකුගේ ආයු අපේක්ෂාව වයස අවුරුදු 77 දක්වාත්, කාන්තාවකගේ ආයු අපේක්ෂාව වයස අවුරුදු 81 දක්වාත් කැපී පෙනෙන ලෙස ඉහළ ගොස් තිබේ.
මෙම සංඛ්යාලේඛනවලට අනුව, මිනිසුන්ගේ ක්රියාශීලී කාලය සහ ජීවත්වන කාලය ඉහළ ගොස් ඇති බැවින්, විනිසුරුවරුන්ගේ විශ්රාම වයස ඉහළ නැංවීම කිසිසේත්ම අසාධාරණ නොවන බව ඔහු පෙන්වා දුන්නේය.
එබැවින්, මෙම සංශෝධනය සඳහා ජනමත විචාරණයක් අවශ්ය නොවන බවත්, එය වර්තමාන සමාජ හා ජනගහන අවශ්යතාවලට අනුකූලව සිදුකරන ලද සාධාරණ සංශෝධනයක් බවත් ජනාධිපති නීතිඥ මොහාන් වීරකෝන් මහතා වැඩිදුරටත් අවධාරණය කළේය.
මේ පුවත තව අයට බලන්න
