ශිරාන් බාසික්ගෙන් ඇමරිකා බුද්දි අංශ ප්රශ්ණ කරයි.. ඉරාන සබදතා එලියට.. ටියුෂන් ගුරෙකුත් ගෑවෙයි..
මෙම තොරතුරු අනාවරණය වීමත් සමඟ ඇමරිකානු ෆෙඩරල් විමර්ශන කාර්යාංශයේ (FBI) නිලධාරීන් ඩුබායිහිදී ඔහුගෙන් දීර්ඝ ලෙස ප්රශ්න කර තිබේ.
විශේෂයෙන්ම ඔහු ඉරානයේ ආරක්ෂක අංශ සමඟ සබඳතා පවත්වා ඇත්ද යන්න සහ එම සබඳතාවල ස්වභාවය පිළිබඳව එහිදී දැඩි අවධානයක් යොමු කර ඇත.
කෙසේ වෙතත්, සිදුකළ විමර්ශනවලදී අනාවරණය වී ඇත්තේ එම සබඳතා දේශපාලන හෝ ආරක්ෂක අංශවලට සම්බන්ධ ඒවා නොව, හුදෙක් මත්ද්රව්ය ජාවාරමට පමණක් සීමා වූ සබඳතා බවයි.
එය තහවුරු කර ගැනීමෙන් පසු ඇමරිකානු බලධාරීන් ඔහුගෙන් ප්රශ්න කිරීම නතර කර ඇති බව වාර්තා වේ.
මේ අතර, ශිරාන් බාසික් සතු මෙරට පවතින නීති විරෝධී වත්කම් සහ අනෙකුත් ජාවාරම් පිළිබඳව ශ්රී ලංකා බලධාරීන් පුළුල් විමර්ශනයක් ආරම්භ කර ඇත.
ඔහුට අයත් නිවාස දෙකක්, බොරලැස්ගමුවේ පිහිටි ජංගම දුරකථන අලෙවිසැල් දෙකක් සහ කොළඹ Marine Drive පිහිටි හෝටල් පහක් පිළිබඳව තොරතුරු දැනටමත් අනාවරණය වී තිබේ.
බාසික් සමඟ මත්ද්රව්ය ජාවාරමේ නිරත වූ බව කියන උපකාරක පන්ති ගුරුවරයෙකු පිළිබඳව ද තොරතුරු හෙළි වී ඇති අතර, ඔහු සහ ඔහුගේ බිරිඳ මේ වන විට තායිලන්තයට පලා ගොස් ඇති බව පොලිසිය පවසයි. ශ්රී ලංකාවේ අපරාධවලට සම්බන්ධ සැකකරුවන් 93 දෙනෙකු සඳහා ජාත්යන්තර පොලිසිය හරහා රතු නිවේදන නිකුත් කර ඇති අතර, 2024 වසරේ මේ දක්වා කාලය තුළ පාතාල සහ මත්ද්රව්ය අපරාධකරුවන් 40 දෙනෙකු මෙරටට ගෙන්වා ගැනීමට පොලිසිය සමත්ව ඇත.
