මාලිමා මන්ත්රීනියගේ පුත්රයා කුඩු සමග අත්අඩංගුවට...
අයිස් මත්ද්රව්ය ළඟ තබාගෙන සිටියදී අත්අඩංගුවට ගත් කොළොන්නාව නගර සභාවේ ජාතික ජන බලවේගයේ මන්ත්රීවරියකගේ පුත්රයෙකු ඇතුළු සැකකරුවන් දෙදෙනෙකු රක්ෂිත බන්ධනාගාරගත කිරීමට මාලිගාකන්ද මහේස්ත්රාත් අධිකරණය නියෝග කර තිබේ.
පොලිස් මත්ද්රව්ය නාශක කාර්යාංශය විසින් කොළොන්නාව සහ ඒ අවට ප්රදේශ කේන්ද්ර කරගනිමින් ක්රියාත්මක කළ විශේෂ සෝදිසි මෙහෙයුමකදී මෙම සැකකරුවන් කොටු කර ගැනීමට හැකි වී ඇත.
වැටලීම සිදුකරන අවස්ථාවේදී මත්ද්රව්ය මිලදී ගැනීමට පැමිණි පුද්ගලයෙකු ප්රශ්න කිරීමේදී, ඔහු තවත් අයෙකුගෙන් මත්ද්රව්ය ලබා ගැනීමට පැමිණි බව අනාවරණය වී තිබේ.
ඒ අනුව ක්රියාත්මක වූ පොලිස් නිලධාරීන්, අදාළ සැකකරු උපායදූතයෙකු ලෙස යොදා ගනිමින් මත්ද්රව්ය අලෙවි කරන්නා ගෙන්වා ගැනීමට කටයුතු කර ඇත.
එම අවස්ථාවේදී අයිස් මත්ද්රව්ය ග්රෑම් 05ක් ද රැගෙන පැමිණි මන්ත්රීවරියගේ පුත්රයා බව කියන සැකකරු පොලිස් මත්ද්රව්ය නාශක කාර්යාංශය විසින් අත්අඩංගුවට ගනු ලැබීය.
පසුව ඔහුගෙන් සිදුකළ ප්රශ්න කිරීම්වලින් අනාවරණය වූ තොරතුරු මත ඔහුගේ නිවස පරීක්ෂාවට ලක් කර ඇති අතර, එහිදී නිවසේ සඟවා තිබූ තවත් අයිස් මත්ද්රව්ය ග්රෑම් 75ක් සොයා ගැනීමට නිලධාරීන් සමත්ව තිබේ.
අත්අඩංගුවට ගත් සැකකරුවන් මාලිගාකන්ද මහේස්ත්රාත් අධිකරණයට ඉදිරිපත් කිරීමෙන් අනතුරුව මෙලෙස රක්ෂිත බන්ධනාගාරගත කිරීමට නියෝග කෙරිණි.
පොලිස් මත්ද්රව්ය නාශක කාර්යාංශය සිද්ධිය සම්බන්ධයෙන් වැඩිදුර විමර්ශන සිදුකරයි.
