gossip lanka news line gossip lanka news line
gossip lanka gossip lanka gossip lanka gossip lanka

විදේශ ගතව සිට පැමිණෙන ලාංකිකයින්ගේ නිරෝධායන ක්‍රියාවලියේ වෙනසක් !

කොවිඩ් එන්නත් මාත්‍රාව ලබා ගැනීමෙන් සති දෙකක කාලයකට විදේශ ගතව සිට මෙරටට පැමිණෙන්න ලාංකිකයින්ට, ද්විත්ව  පුරවැසියන් දින 14 ක කාලයක් සඳහා නිවෙස් නිරෝධායනයට අවසර ලබා දෙමින් සෞඛ්‍ය සේවා අධ්‍යක්ෂක ජනරාල්වරයා විශේෂ චක්‍රලේඛයක් අද නිකුත් කර තිබෙනවා.

එම චක්‍රලේඛය අනුව ඉන්දියාව, වියට්නාමය, දකුණු අප්‍රිකාව හෝ දකුණු අමෙරිකානු රටවල සිට මෙරටට සෘජුව හෝ අන්තර් හුවාමරු ක්‍රමවේදයන් යටතේ පැමිණෙන කිසිදු ලාංකිකයෙක්ට හා ද්විත්ව පුරවැසියෙකුට නිවෙස් නිරෝධායනයට ලක්වීමට අවසර හිමි නොවෙනු ඇත.

මෙරටට පැමිණෙන්න සියලුම ලාංකිකයින් පැය 96 කට පෙර සිදුකරනු ලද PCR පරීක්ෂණයක් හෝ පැය 48 කට පෙර සිදුකළ ක්ෂණික ප්‍රතිදේහ පරීක්ෂණ වාර්තාවක් මගින් ඔවුන් කොවිඩ් ආසාදිතයින් නොවන බවට තහවුරු කළ යුතුය. එම වාර්තාවන් අනිවාර්යෙන් ඉංග්‍රීසි භාෂාවෙන් විය යුතුය.

මෙරටට පැමිණෙන ද්විත්ව පුරවැසි භාවය දරන්නන් විසින්ද දිවයිනට ලඟා වීමට පැය 96 කට පෙර සිදුකරන ලද PCR වාර්තාවක් මගින් ඔවුන් කොවිඩ් ආසාදිතයින් නොවන බවට තහවුරු කළ යුතුය.

කොවිඩ් එන්නත් මාත්‍රා දෙකම ලබා ගත් බවට සියලු දෙනාම ඉංග්‍රීසි භාෂවෙන් සහතික කළ සහතිකයක් ගුවන් තොටුපොල කාර්ය භාර නිලධාරියා වෙත ඉදිරිපත් කිරීමද අනිවාර්ය වේ.

ශ්‍රී ලාංකික පුරවැසියන් (ගුවන් මගින් පැමිණෙන ලාංකික වෙළෙඳ නාවිකයින් ද ඇතුළුව) සහ ද්විත්ව පුරවැසියන් මෙරටට ලඟා වීමෙන් පසු සිය PCR වාර්තාවේ ප්‍රථිපල ලැබෙන තෙක් සහතික ලත් පළමු අදියරේ හෝටලයක නවාතැන් ගත යුතුය.

PCR පරීක්ෂණ වාර්තාවන් නිකුත් වීමෙන් පසුව නියමිත පරිදි කොවිඩ් මර්ධන එන්නත් මාත්‍රා දෙකම ලබාගෙන සිටින ලාංකිකයින් / ද්විත්ව පුරවැසි භාවය දරන්නන් හෝටලයෙන් නිදහස් කිරීමට පියවර ගනු ඇත.

නිරෝධායනය කර සිටි හෝටලයෙන් නිදහස් කරනු ලබන පුද්ගලයින් ගේ වාර්තාවක් ඔවුන් වෙත ලබාදිය යුතු වන අතරම එහි පිටපතක් වසංගත රෝග විද්‍යා අංශය වෙත යැවීමට අදාළ ස්ථානය භාර වෛද්‍යවරයා විසින් පියවර ගත යුතුය.

විදේශ ගතව පැමිනෙන් දරුවන් ( වයස අවුරුදු 12ට අඩු) සම්බන්ධයෙන් ද මෙහිදී අවධානය යොමු කොට ඇත. 

ඒ අනුව කොවිඩ් මර්ධන එන්නත් මාත්‍රාව නිසි පරිදි ලබාගත් වැඩිහිටියන් සමග පැමිණෙන වයස අවුරුදු 2-12ත් අතර දරුවන් දිවයිනට පැමිණීමෙන් පසු PCR පරීක්ෂණයට ලක් කිරීමෙන් පසු ඔවුන්ගේ ප්‍රථිපල තහවුරු කිරීමෙන් පසු පිටව යා හැකිය.

යම් අයුරකින් දිවයිනට පැමිණෙන වැඩිහිටියන් කොවිඩ් ආසාදිත බවට හඳුනා ගත හොත් වයස අවුරුදු 02 ට අඩු දරුවන් ද PCR පරීක්ෂණයට ලක් කළ යුතුය.

නිරෝධායන මධ්‍යස්ථානයෙන් පිටව සිය නිවෙස් වෙත යෑමට පුද්ගලික ප්‍රවාහන පහසුකම් සපයා ගතයුතු වන අතර කිසිවිටක පොදු ප්‍රවාහන පහසුකම් භාවිතය සිදුනොකළ යුතුවේ.

පෞද්ගලික ප්‍රවාහන සේවා හරහා නිවෙස් කරා යාමේදී නිසි සෞඛ්‍ය ක්‍රමවේද අනුගමනය කළ යුතු අතර අතර මග වාහනය නැවත්වීමට අවසර හිමි නොවේ.

සිය නිවෙස කරා පැමිණීමෙන් පසු අදාළ පුද්ගලයින් ඒ පිලිබඳව සිය නිවෙස හිමි ප්‍රදේශය භාර සෞඛ්‍ය අංශ බලධාරින් දැනුවත් කළ යුතුය.

දිවයිනට පැමිණි දිනය ද ඇතුළුව නිරෝධායන මධ්‍යස්ථානයෙන් පිටවු දිනයේ සිට දින 14ක කාලයක් දක්වා විදේශ ගතව සිට පැමිණි පුද්ගලයින් නිවෙස් නිරෝධායනයේ පසුවිය යුතුය.

දින 14 සම්පුර්ණ කරන ලද කොවිඩ් එන්නත් මාත්‍රා දෙකම ලබා ගත් ලංකික පුරවැසියන් සහ ද්විත්ව පුරවැසි භාවය දරන්නන් සහ ඔවුන්ගේ අවුරුදු 2-12ත් අතර වයසේ පසුවන දරුවන් PCR පරීක්ෂණයකට ලක්ව එම වාර්තාවන් ප්‍රාදේශීය සෞඛ්‍ය බලධාරීන් වෙත ලබා දිය යුතු වන අතර එහි ප්රතිපල අනුව ඔවුන්ව නිවෙස් නිරෝධායනයෙන් මුදා හැරීමට පියවර ගනු ඇත.


gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka