gossip lanka news line gossip lanka news line
gossip lanka gossip lanka gossip lanka gossip lanka

2022 වසරේදී අගමැති ධුරයෙහි වෙනසක් ?

2022 වසරේදී මෙරට අග්‍රාමාත්‍ය ධුරයෙහි වෙනසක් සිදුවනු ඇති බවට ආරංචියක් දේශපාලන ක්ෂේත්‍රය තුළ තහවුරු නොකළ පුවතක ආකාරයෙන් පැතිර යමින් පවතී.  ඒ අනුව අග්‍රාමාත්‍ය මහින්ද රාජපක්ෂ මහතා සිය තනතුරෙන් ඉවත් වනු ඇති අතර නාමල් රාජපක්ෂ මහතාව එම තනතුරට පත්කෙරෙනු ඇති බවයි පැවසෙන්නේ.

එහිදී මහින්ද රාජපක්ෂ මහතා දේශපාලනයෙන් විශ්‍රාම ගැනීම හෝ ඒ මහතා වෙනුවෙන් විශේෂිත අලුත්ම තනතුරක් නිර්මාණය කිරීම හෝ යන දෙකෙන් එකක් සිදුවනු ඇති බවත් සඳහන්. 

කෙසේවෙතත් නාමල් රාජපක්ෂ මහතා මේ වනවිට අධිවේගී දේශපාලන ගමනක නිරත වෙමින් ආණ්ඩුව තුළ සිටින වඩාත්ම ක්‍රියාකාරීම, වඩාත්ම වගකීම් භාරගත් සහ වඩාත්ම බලවත් ඇමතිවරයා බවට පත්වෙමින් සිටින බව රහසක් නොවේ. 

මේ වනවිට රටේ අංක එකේ ප්‍රමුඛතාවය වන කොවිඩ් එන්නත්කරණ වැඩසටහන ඇතුළුව සෘජුවම ජනාධිපතිවරයාගේ යටතේ ක්‍රියාත්මක වන වැඩසටහන් රැසක් නාමල් රාජපක්ෂ මහතාගේ අධීක්ෂණය යටතට පත්කර ඇති අතර ගම සමග පිළිසඳර වැඩසටහනේ පසු විපරම ඇතුළුව සෘජුවම ජනතාව සමග සම්බන්ධ වන අවස්ථා රැසක් ද ඒ මහතාට ලැබී ඇත. එසේම බොහෝ දිස්ත්‍රික් සම්බන්ධීකරණ කමිටු රැස්වීම් ද අධීක්ෂණය කරන්නේ ඒ මහතා විසිනි. ඒ ඔස්සේ නාමල් සිය වැඩකිරීමේ හැකියාව ඔප්පු කරමින් සිටින බව ද සත්‍යයකි. 


 
එමෙන්ම පසුගිය සතියේදී ඒ මහතාට ලැබුණු ඩිජිටල් තාක්ෂණ සහ ව්‍යවසාය සංවර්ධන රාජ්‍ය අමාත්‍ය ධුරය යනු බොහෝදුරට කොළඹ වරාය නගර ව්‍යාපෘතියේ සාර්ථකත්වයට ඉහළ දායකත්වයක් ලබාදිය හැකි තනතුරකි. කොළඹ වරාය නගර ව්‍යාපෘතිය රටේ ආර්ථිකයේ හැරවුම් ලක්ෂ්‍ය බවට පත්කිරීමේදී නවලොව ව්‍යාපාරික අවස්ථා, නව ව්‍යාපාරික ප්‍රවණතා, නව තාක්ෂණය යනාදීන් හඳුනාගෙන ඒත් සමග කටයුතු කළහැකි නිරන්තරයෙන් යාවත්කාලීන වන තරුණ නායකත්වයක් ඉදිරියට පැමිණීම ද අත්‍යාවශ්‍ය වන්නකි. ශ්‍රී ලංකාවේ වත්මන් ආණ්ඩුව තුළ එම භූමිකාව ඉටුකළ හැකි එකම පුද්ගලයා වන්නේ ද නාමල් රාජපක්ෂ මහතාය. මෙය සාධනීය ලෙස බැලිය හැකි, බැලිය යුතු තත්වයකි. 

මීට අමතරව නාමල් රාජපක්ෂ මහතාට චීන පාලනය සමග ද ඉතාම හොඳ සබඳකම් ඇති බවත් රහසක් නොවේ. ශ්‍රී ලංකා පොදුජන පෙරමුණ සහ චීන කොමියුනිස් පක්ෂය අතර සෘජුවම අත්දැකීම් බෙදාගැනීමේ සමුළුවක් මීට ටික කලකට පෙර අන්තර්ජාලය ඔස්සේ පැවැත්වුණේ ද නාමල් රාජපක්ෂ මහතාගේ ප්‍රධානත්වයෙනි. 


 
අනෙක් අතට නාමල්ගේ මේ වේගවත් ගමන අහඹුවක් ලෙස සිදුවන්නක් ද නොවේ. රාජපක්ෂ පවුලේ අනාගත දේශපාලන කටයුතු සම්බන්ධයෙන් එම පවුලේ ප්‍රබලයින් අතර විශේෂ සාකච්ඡාවක් මීට මාස කිහිපයකට පෙර පැවැත්වුණු බවත් එහිදී නාමල් සම්බන්ධයෙන් තීන්දු තීරණ කිහිපයක්ම ගැණුනු බවත් ඒ දිනවලම මාධ්‍ය වාර්තා කර තිබිණි. 

මේ අනුව, දේශපාලන ක්ෂේත්‍රය තුළ මේ දිනවල පැතිර යන කටකතාව සත්‍යයක් වීමේ සම්භාවිතාවය ඉහළ බවත් පැහැදිලිවම එහි සාධනීය ලක්ෂණ ඇති බවත් පැවසිය හැකිය. 
-lankanewsweb
gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka