gossip lanka news line gossip lanka news line
gossip lanka gossip lanka gossip lanka gossip lanka

නැවේ ගින්න භයානකයි: මේ දවස්වල වැස්සට තෙමෙන්න එපා: වාහනත් පරිස්සම් කරගන්න

නෞකාවේ ගින්න හේතුවෙන් අම්ල වැසි ඇතිවීමේ හැකියාවක් පවතින බැවින් මේ දිනවල වර්ෂාවට සෘජුවම නිරාවරණය වීමෙන් වළකින ලෙස ජනතාවගෙන් ඉල්ලා සිටින බව සමුද්‍රීය පරිසර ආරක්ෂණ අධිකාරියේ සභාපතිනි නීතිඥ දර්ශනී ළහඳපුර පවසයි. මෙම ගින්න හේතුවෙන් පිටවූ නයිට්‍රජන් ඔක්සයිඩ් වායුව ඉහළ වායුගෝලයේ ඇති ජල අංශු සමග මිශ්‍ර වීමෙන් නයිට්‍රික් අම්ලය හෙවත් අම්ල වැසි ඇති වන බව සභාපතිනිය කියා සිටියාය.

එලෙස ඇති වන වායු ධාරාවන් වෙරළබඩ ප්‍රදේශවල සිට රට තුළට ගමන් කළ හැකි බවත් එමගින් අවට ප්‍රදේශවලටද වැසි ඇතිවීමේ හැකියාවක් ඇති බවත් ඇය පවසන්නීය.

එමෙන්ම එළිමහනේ ඇති ලෝහයෙන් තැනූ උපකරණ මෙන්ම වාහන ආවරණය කර තැබීමට පියවර ගන්නා ලෙසත් ඉල්ලා සිටින සභාපතිනිය මෙම වැස්සට නිරාවරණය වන්නන්ට විවිධ අසාත්මිකතා ඇති විය හැකි බවද පෙන්වා දෙයි.

මෙම නෞකාවෙන් වෙරළට ගොඩ ගැසූ සුන්බුන් ස්පර්ශ කළ පුද්ගලයන් කිහිපදෙනෙකුට මේ වන විටත් සමේ ආසාත්මිකතා හට ගෙන ඇති බවත් මෙම සුන්බුන් ඉවත් කිරීමට අදාළ නිලධාරීන් නියමිත ක්‍රමවේද යටතේ මේ වන විටත් පියවර ගනිමින් සිටින බවය.

ඇය පවසා සිටියේ මෙම නෞකාව ගිනි ගැනීමත් සමග ගොඩබිමට ගසාගෙන පැමිණ ඇති භාණ්ඩ ස්පර්ශ කිරීමෙන් වළකින ලෙසයි.

සමුද්‍රීය පරිසර ආරක්ෂණ අධිකාරිය ජනතාවට දැනුම් දී සිටියත් බොහෝ දෙනෙක් එම උපදෙස් පිළිනොපදිමින් මෙම භාණ්ඩ නිවාසවලටද ගෙන ගොස් ඇත.


gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka