gossip lanka news line gossip lanka news line
gossip lanka gossip lanka gossip lanka gossip lanka

වියට්නාමයෙන් සුළඟින් බෝවෙන කොරෝනා ප්‍රභේදයක්!

වියට්නාමය විසින් ඉන්දියානු සහ එක්සත් රාජධානියේ ප්‍රභේදවල එකතුවක් ලෙස පෙනෙන කොවිඩ්-19 නව හයිබ්‍රිඩ් ප්‍රභේදයක් සොයාගෙන ඇතැයි විදෙස් වාර්තා වල දැක්වේ. මෙහි විශේෂය වන්නේ එය ඉක්මනින් වාතය හරහා ව්‍යාප්ත විය හැකි වීමය.
 
වියට්නාමය තුළ අලුතෙන් හඳුනාගත් රෝගීන් පිළිබඳ පරීක්ෂණ පැවැත්වීමෙන් පසුව මෙම නව හයිබ්‍රිඩ් ප්‍රභේදය සොයාගෙන තිබේ. 

මෙම නවතම වෛරස ප්‍රභේදය ඉතා භයානක ප්‍රභේදයක් බව වියට්නාමයේ සෞඛ්‍ය අමාත්‍ය ගුයීන් තන් ලෝන්ග් විසින් විස්තර කර තිබේ. 

වෛරස සැමවිටම විකෘති වන අතර බොහෝ ප්‍රභේද එතරම් අවදානමක් නොවූවත්, සමහරක් වෛරස ප්‍රභේද වඩාත් බෝවිය හැකි ලෙස විකෘති වීම සිදුවන බවත් විදෙස් මාධ්‍ය පෙන්වාදී  ඇත.

කොවිඩ්-19 ප්‍රථම වරට නිල වශයෙන් හඳුනාගනු ලැබූ 2020 ජනවාරි මාසයේ සිට මේ දක්වා වෛරසයේ ප්‍රභේද දහස් ගණනක් අනාවරණය වී ඇත.

ඒ අනුව මෙම නව හයිබ්‍රිඩ් ප්‍රභේදය කලින් දන්නා අනුවාදයන්ට වඩා සම්ප්‍රේෂණය කළ හැකි බව වියට්නාම් සෞඛ්‍ය අමාත්‍යවරයාගේ මතය වී ඇත.
 
වෛරසයේ ජාන කේතය ඉක්මනින් ලබාදෙන බවද සෞඛ්‍ය අමාත්‍ය  ලෝන්ග් මාධ්‍යට පවසා ඇත.
 
පසුගිය ඔක්තෝම්බර් මාසයේදී ඉන්දියාවේදී හඳුනාගත් කොවිඩ්-19 ප්‍රභේදය B.1.617.2 ලෙස හැඳින්වේ. එය එක්සත් රාජධානියේ/කෙන්ට් ප්‍රභේදයට (B.1.1.7) වඩා සම්ප්‍රේෂණය කළ හැකි බවද විශේෂඥ මතයයි.

පර්යේෂණයන්ට අනුව කොවිඩ්-19 මර්දන එන්නත් මාත්‍රා දෙකම ලබාගැනීම ඉන්දියානු ප්‍රභේදයට එරෙහිව ඉතා ඵලදායී වන නමුත් එක් මාත්‍රාවකින් ආරක්ෂාව අඩු බව පැවසෙයි. 
 
ඒ අනුව සුපුරුදු මහජන සෞඛ්‍ය පුරුදු අඛණ්ඩව පවත්වා ගන්නා අතරතුර, වේගවත් එන්නත්කරණ වැඩසටහන් ක්‍රියාත්මක කිරීමේ වැදගත් බව විශේෂඥ වෛද්‍ය මතය වේ.

මුල් ප්‍රභේදයන් මෙන්ම, මෙම නව වෛරස ප්‍රභේදයන් ආසාදනය වීමේදීද වැඩි අවදානම වයස්ගත හෝ සැලකිය යුතු නිධන්ගත සෞඛ්‍ය තත්ත්වයන් ඇති පුද්ගලයින් සඳහා ඉහළම මට්ටමක පවතින බවද වාර්තා වේ.
 
කෙසේවෙතත් කොරෝනා වෛරසයේ ඕනෑම ප්‍රභේදයක් බහුතර පිරිසකට වඩාත් බරපතළ රෝගාබාධ ඇති කරන බවට කිසිදු සාක්ෂියක් මෙතෙක් හමුවී නොමැත. 
 
වියට්නාමේ තාමත් කොවිඩ් මරණ 47යි
 
මේ වෛරසයක් බොහෝ ආසාදනය වන්නේ නම් හා ඒ හා සමානවම භයානක වීම නිසා අනාරක්ෂිත ජනගහනයක වැඩි මරණ සංඛ්‍යාවක් සිදුවීම නොවැළැක්විය හැකි බවද සෞඛ්‍ය කේෂත්‍ර මතය වේ.

ලෝකයේ වඩාත් හොඳින්ම කොවිඩ්-19 පාලනය කළ රාජ්‍යයක් ලෙස කතාබහට ගැනුණ වියට්නාමය තුළද මෑත සතිවල කොවිඩ්-19 ආසාදිතයන් ගණන ඉහළ ගොස් තිබේ. 
 
ඒ අනුව වසංගතය ආරම්භයේ සිටම රට තුළ කොවිඩ්-19 ආසාදිතයන් 6,700කට වැඩි සංඛ්‍යාවක් ලියාපදිංචි වී තිබේ. 
 
ඒවායින් අඩකට වඩා වාර්තා වී ඇත්තේ මේ වසරේ අප්‍රේල් අග සිට බවද පැවසේ.

ජෝන්ස් හොප්කින්ස් විශ්ව විද්‍යාලයේ දත්තවලට අනුව කොවිඩ්-19 ආශ්‍රිත මරණ 47ක් මේ දක්වා වියට්නාමයෙන් වාර්තා වී තිබේ.
gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka