gossip lanka news line gossip lanka news line
gossip lanka gossip lanka gossip lanka gossip lanka

කොරෝනා මාරයා මැද්දේ ආ වැසි මාරයා බිලි 4ක් ගනී!

දිවයිනේ ප්‍රදේශ රැසකට දින කිහිපයක් තිස්සේ පැවති තද වැසි, අකුණු අනතුරු හා තද සුළං හේතුවෙන් මරණ හතරක් සිදුව ඇති අතර දිස්ත්‍රික්ක හතක පවුල් 2750කට අයත්, 11,542 දෙනකු පීඩාවට පත්ව සිටින බව ආපදා කළමනාකරණ මධ්‍යස්ථානය පවසයි.

ගාල්ල අලුත්වත්ත ප්‍රදේශයේ 32 හැවිරිදි දෙදරු පියෙකු ජල පහරකට හසුවී මියගොස් ඇති අතර, එම දිස්ත්‍රික්කයේම තවත් අයකු ද ගංවතුරට හසුව මියගොස් ඇත.

කෑගල්ල ප්‍රදේශයේ නිවසකට පස් කන්දක් කඩා වැටීමෙන් ද එක් අයෙක් මියගොස් ඇති අතර වාරියපොල ප්‍රදේශයේ අයෙක් ද ජල පහරකට හසුව මියගොස් තිබේ.

පීඩාවට පත් පවුල් 42කට අයත් 175 දෙනකු ආරක්‍ෂිත ස්ථානයක රඳවා සිටින බව ද ආපදා කළමනාකරණ මධ්‍යස්ථානය පවසයි.

ගාල්ල, මාතර, කුරුණෑගල, කෑගල්ල, ගම්පහ, කොළඹ, කළුතර, ආදී දිස්ත්‍රික්කයන්හි ජනතාව මෙම වැසි සහ සුළං සහිත කාලගුණ තත්ත්වයෙන් පීඩාවට පත්ව ඇතැයි ද එම මධ්‍යස්ථානය සඳහන් කරයි.

ප්‍රදේශ රැසකට ලැබුණු මිලිමීටර 200 ඉක්මවූ මහ වැසි හේතුවෙන් කැලණි, කළු, ගිං, නිල්වලා ගංගාවල සහ මහ ඔය, අත්තනගලු ඔය පිටාර ගැලීමෙන් එම දිස්ත්‍රික්කයන්හි පහත්බිම්වල ජලගැලීම් තත්ත්වයන් මතුව තිබූ අතර වැඩිම බලපෑමක් එක්ක වී තිබුණේ ගම්පහ දිස්ත්‍රික්කයටය.

එම දිස්ත්‍රික්කයේ පවුල් 1385කට අයත් 6119 දෙනකු පීඩාවට පත්ව සිටි අතර මාතර දිස්ත්‍රික්කයේ පවුල් 663 කට අයත් 2806 දෙනෙක්, කෑගල්ල දිස්ත්‍රික්කයේ පවුල් 325කට අයත් 1132 දෙනෙක් සහ කොළඹ දිස්ත්‍රික්කයේ පවුල් 270කට අයත් 1115 දෙනෙක් පීඩාවට පත්ව සිටිති.

මෙම තත්ත්වය හේතුවෙන් එම දිස්ත්‍රික්කවල නිවාස 205කට අර්ධ හානි සිදුව ඇත.
gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka