gossip lanka news line gossip lanka news line
gossip lanka gossip lanka gossip lanka

ක්‍රිකට් කළමනාකරණ කමිටුව නීත්‍යානුකූල නෑ; නාමල් පස්සට ගැසූ ගැසට්ටුව

ශ්‍රී ලංකා ක්‍රිකට් ආයතනයේ විධායක කමිටුවේ සභාපති ලෙස පත්කර ඇති මහාචාර්ය අර්ජුන ද සිල්වා මහතා හා එහි භාණ්ඩාගාරික සුජීව මුදලිගේ මහතා එම කමිටුවේ අදාළ ධූරයන් දැරීමට නුසුදුස්සන්වීම හේතුවෙන් එම කමිටුවේ බලය ක්‍රියාත්මක කිරීමට නීත්‍යානුකූල ගැටලු මතුව ඇතැයි වාර්තා වේ.

2013 අංක 33 දරණ ක්‍රීඩාවල යෙදීමේදී උත්තේජන ද්‍රව්‍ය ගැනීමට එරෙහි සම්මුති පනතේ 14 වන වගන්තියේ 3 වන උප කොටසේ ඇ වගන්තිය යටතේ අර්ජුන ද සිල්වා ක්‍රිකට් කළමනාකරණ කමිටුවේ සභාපති ලෙස කටයුතු කිරීමට නුසුදුස්සකු වේ.

එසේම, එම කමිටුවේ භාණ්ඩාගාරික ලෙස නම් කර ඇති සුජීව මුදලිගේ මහතා ශ්‍රී ලංකා ක්‍රිකට් ආයතන ගිණුම් විගණනය කරන ප්‍රයිස් වෝටර් හවුස් කූපර්ස් ප්‍රයිවට් ලිමිටඩ් විගණන ආයතනයේ සාමාජිකයෙක්වීම හේතුවෙන් ඔහුට ද අදාළ ධූරය දැරිය නොහැකිය.

මහාචාර්යවරයාට එම කමිටුවේ කටයුතු කිරීමට නම් ජාතික තහනම් උත්තේජන නිවාරණ ආයතනයෙන් ඉවත් විය යුතු වන අතරම මුදලිගේ මහතාට ද අදාළ ධූරය දැරීමට සිය රැකියාවෙන් ඉවත්වීම අනිවාර්ය බව නීති විශාරදයෝ පෙන්වාදෙති.

නාමල්ගේ පස්සට ගැසට් ගැසීමේ කලාව

ශ්‍රී ලංකා ක්‍රිකට් ආයතන විධායක කමිටු නිල කාලය මෙම වසරේ පෙබරවාරි මාස 20 වැනිදා අවසන් වූ අතර එහි සාමාජිකයන් තව දුරටත් බලයේ රැදී සිටීම නීත්‍යානුකූල නැති බව කෝල්ස් ක්‍රිකට් ක්‍රීඩා සමාජයේ සභාපති නිශාන්ත රණතුංග මහතා ලිඛිතව ක්‍රීඩා අමාත්‍ය නාමල් රාජපක්ෂ මහතා වෙත දැනුම්දී තිබිණි.

මේ අනුව එය නීතිපතිවරයා වෙත යොමුකර එහි ඇති සත්‍යතාව පැහැදිලි කර ගැනීමට අමාත්‍යවරයා කටයුතු කර තබිණි.

එසේම පසුගිය මාර්තු 04 වැනිදා ලිපියක් මගින් සිය ක්‍රිකට් විධායක කමිටුව නීත්‍යානුකූල බව පෙන්වා දීමට එහි සභාපති ශම්මි සිල්වා මහතා ද කටයුතු කර තිබිණි.

කෙසේවුවද, 2020 වසරේ ශ්‍රී ලංකා ක්‍රිකට් ආයතන විගණන වාර්තාව නීතිපතිවරයා වෙත යොමු කිරීමට වත්මන් ක්‍රිකට් විධායක කමිටුව පියවර ගෙන තිබුණේ පසුගිය පෙබරවාරි මාසයේ 25 වැනිදාය.

එලෙස නිල කාලය තුල විගණන වාර්තා ඉදිරිපත් කිරීමට අපොහොසත් වීම හේතුවෙන් ක්‍රීඩා පනතට අනුව වත්මන් ක්‍රිකට් විධායක කමිටුව පූර්ණ ක්‍රීඩා තහනමකට ලක් කළ යුතු බවට ද මේ අතර චෝදනා එල්ලවී තිබේ.

මේ අනුව ඔවුන්ට ඉදිරි ක්‍රිකට් නිලවරණයටත් ඉදිරිපත් වීමට නොහැකි බව කොටසකගේ මතය වී ඇත.

කෙසේවුවද, නීතිපතිවරයාත් වත්මන් ක්‍රිකට් විධායක කමිටුව නීති විරෝධී බව මේවන විට තහවුරු කර ඇත.

නීතිපතිවරයා එසේ නිර්දේශ ලබාදී තිබියදී හිටි හැටියේ ක්‍රිකට් විධායක කමිටු නිල කාලය මෙම මස 05 වැනිදා දක්වා දීර්ඝ කිරීමට ක්‍රීඩා අමාත්‍ය නාමල් රාජපක්ෂ මහතා අති විශේෂ ගැසට් පත්‍රයක් නිකුත් කරමින් කටයුතු කර තිබේ.

විශේෂත්වය වන්නේ අදාළ ගැසට් පත්‍රය නාමල් රාජපක්ෂ මහතා නිකුත් කර ඇත්තේ අතීතයට බලපාන ලෙසය.

නීති විශාරදයින් කියා සිටින්නේ නීතීඥයකු ද වන ඔහු අදාළ ගැසට් පත්‍රය නිකුත් කර ඇත්තේ සට කපට කමක් සඳහා වුවද එය නීත්‍යානුකූල නොවන බවයි.

මේ අතර, අදාළ කාරණා සම්බන්ධයෙන් ක්‍රිකට් වලට සම්බන්ධ පිරිසක් ඉදිරියේදී අධිකරණයේ පිහිට පැතීමට සූදානම්වන බවද  වාර්තා වේ.

-srilankamirror
gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka