gossip lanka news line gossip lanka news line
gossip lanka gossip lanka gossip lanka

"ගිය සැරෙත් රැවට්ටුවා" - ව්‍යවස්ථාවට යෝජනා බාරදුන් ශ්‍රීලනිපයෙන් රතු එළියක්

ව ආණ්ඩුක්‍රම ව්‍යවස්ථාවක් සම්බන්ධයෙන් වූ ශ්‍රීලනිප යෝජනාව ඊයේ (26) ජනාධිපති නීතිඥ රොමේෂ් ද සිල්වා මහතාගේ සභාපතිත්වයෙන් යුත් නව ව්‍යවස්ථාවක් කෙටුම්පත් කිරීමේ කමිටුව වෙත බාරදී තිබේ. නව ආණ්ඩුක්‍රම ව්‍යවස්ථාව පිළිබඳ ශ්‍රි ලංකා නිදහස් පක්ෂයේ යෝජනා ව්‍යවස්ථා සම්පාදන කමිටුවට භාරදීමෙන් අනතුරුව ඊයේ (26) මාධ්‍ය වෙත අදහස් දක්වමින් කම්කරු අමාත්‍ය නිමල් සිරිපාල ද සිල්වා මහතා සඳහන් කළේ නව ආණ්ඩුක්‍රම ව්‍යවස්ථාව තුළ මැතිවරණ ක්‍රමය සංශෝධනය වියයුතු බවයි.

බුද්ධාගම සුරක්ෂිත කිරීම සහ එයට ප්‍රමුඛත්වය ලබාදීම කියන වගන්ති ඇතුළත්ව තිබීම එහි තිබෙන ප්‍රධානම කාරණය බවත් මෙම ව්‍යවස්ථාවේ මූලික මිනිස් අයිතිවාසිකම් පිළිබඳ පරිච්ඡේදය වෙනස් විය යුතු බවත් අමාත්‍යවරයා පෙන්වා දුන්නේය.

"පරිසරය සුරක්ෂිත කිරීම, මිනිසුන්ට වගේම සතුන්ට සිදුකරන වද හිංසා පිළිබඳව ද මූලික අයිතිවාසිකම් උල්ලංඝනය කිරීමක් ලෙස සලකන්න ඕනේ. ඇතැම් කරුණු සම්බන්ධයෙන් ශ්‍රේෂ්ඨාධිකරණයේ නඩු පැවරීමේ අධිකරණ බලය පළාත්බද මහාධිකරණවලට ලබාදිය යුුතුයි කියලත් අපි යෝජනා කරනවා. පළාත් සභා පිළිබඳව ශ්‍රී ලංකා නිදහස් පක්ෂය යෝජනා කරලා තියෙන්නේ තවදුරටත් බලය විමධ්‍යගත කිරීමේ සංකල්පයට අපි එකඟයි, ඒ අනුව දිස්ත්‍රික් සභා ක්‍රමයක්, පැරණි තිබුණු සෙනෙට් සභාවට සමාන දෙවෙනි මන්ත්‍රණ සභාවක්. නියෝජිතයිත් සහ විද්වතුන් එකතු කරලා ඒ සභාව සෑදිය යුතුයි. අපි විශේෂයෙන්ම කියා සිටිනවා නව ව්‍යවස්ථාවෙන් මනාප ඡන්ද ක්‍රමය නැති කරන්න ඕනේ. ශ්‍රී ලංකා නිදහස් පක්ෂය ගිය සැරෙත් රැවට්ටුවා. අපි 19 වන ව්‍යවස්ථා සංශෝධනයට ඡන්දය දුන්නේ 20වන ව්‍යවස්ථා සංශෝධනය නමින් මනාප ක්‍රමය නැති කරලා ආසනයකට වගකියන මන්ත්‍රීවරයෙකු පත්කරන ක්‍රමයක් ලබාදෙන පොරොන්දුව මත." යැයි අමාත්‍යවරයා පැවසී ය.

මේ අතර ශ්‍රීලනිපයේ උපදේශක මහාචාර්ය රෝහණ ලක්ෂ්මන් පියදාස මහතා විශේෂ ප්‍රකාශයක් කරමින් පැවසූවේ ද්විත්ව පුරවැසියන්ට රජයේ කිසිදු තනතුරක් ලබා නොදීම පිළිබඳව නව ආණ්ඩුක්‍රම ව්‍යවස්ථාවක් සම්බන්ධයෙන් වන ශ්‍රී ලංකා නිදහස් පක්ෂ යෝජනාවලියේ වැඩි අවධානයක් යොමු කොට ඇති බවයි.

ද්විත්ව පුරවැසියන්ට ජනපති, අගමැති, පාර්ලිමේන්තු මන්ත්‍රී හෝ රාජ්‍ය ආයතන සහ ජනපති කොමිසම්වල සාමාජිකත්වය ඇතුළු කිසිදු තනතුරක් ලබා නොදෙන ලෙස ශ්‍රීලනීපය සිය යෝජනා වලට ඇතුළත් කොට තිබෙන බවද මහාචාර්යවරයා අවධාරණය කරයි.

නව ආණ්ඩුක්‍රම ව්‍යවස්ථාවක් සැකසීම සඳහා වූ ශ්‍රීලනිප යෝජනා සකස් කිරීමේ කමිටුව ශ්‍රීලනිප ජ්‍යෙෂ්ඨ උප සභාපති නිමල් සිරිපාල සිල්වා මහතාගේ සභාපතිත්වයෙන් යුතුව 2020 අගෝස්තු මාසයේදී පත්කර තිබේ.

-ඒෂියන් මිරර් 


gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka