gossip lanka news line gossip lanka news line
gossip lanka gossip lanka gossip lanka gossip lanka

රංගන ශිල්පිනී මියුරි සමරසිංහ අභාවප්‍රාප්ත වෙයි

ප්‍රවීණ ටෙලි නාට්‍ය නිළි මියුරි සමරසිංහ අද (06) ජීවිතයෙන් සමුගත්තාය. 1939 මාර්තු 15 වන දින මොරටුවේ උපත ලැබු ඇය මියයන විට 81 වන වියෙහි පසුවූවාය. අවසන් කාලයේ පිළිකා රෝගයෙන් පීඩා වින්දාය. මොරටුව ශුද්ධවූ රෝසරි කතෝලික පාසලෙන් හා කොළඹ මියුසියස් විද්‍යාලයෙන් අධ්‍යාපනය හදාළ ඇය අවුරුදු 14 දී ජයන්ත අල්ගමගේ මඟ පෙන්වීම යටතේ උඩරට හා පහත රට නැටුම් හැදැරුවාය. 

පසුව සුදර්ශි ආයතනයේ නැටුම් ගුරුවරියක් ලෙස සේවය කළාය.
වයස අවුරුදු 17 දී විවාහ වූ ඇය වයස අවුරුදු 24 වන විට දරුවන් හතර දෙනෙකුගේ මවකවී සිටියාය. ඇය සිය සැමියා වන පියල් සමරසිංහව මුණගැසුණේ පාසල් අවධියේදීය. මෙම යුවළට දියණියන් තිදෙනෙක් සිටී - සුජීවා, දීප්ති, අවන්ති - සහ එක් පුතෙකු වන රුවන්ය. දීප්ති සහ අවන්ති නිවුන් දරුවන් ය.

 ඇගේ ස්වාමිපුරුෂයා වූ පියල් 1979 දී මිය යන විට ඇගේ වයස අවුරුදු 39 කි.
ඇය නාට්‍ය ජීවිතය ආරම්භ කළේ අලූත් දවසක් නම් වේදිකා නාට්‍යයෙනි. පසුව ඇයට රන් කන්ද, උමතුසන් වරුසාව, ඔතෙලෝ, සිවම්මා ධනපාල, ලෝරා සහ නවසිය අනු නවය වැනි වේදිකා නාට්‍යවල රඟපෑමට අවස්ථාවන් ලැබුණි.

ඇය වේදිකා නාට්‍ය 300 කට අධික සංඛ්‍යාවක රඟපා ඇති අතර නාට්‍ය 10 ක් නිෂ්පාදනය කර අධ්‍යක්ෂණය කර ඇත.

1981 දී ඇය ජනාධිපති සම්මාන උළෙලේදී හොඳම නිළිය සඳහා වන සම්මානය නවසිය අනු නවය නාට්‍යය සඳහා දිනා ගත්තාය.
 එම වසරේම ඇයගේ නිෂ්පාදනය වූ හිම කුරුල්ලෝ හොඳම නළුවා, නිළිය, තිර රචනය සහ නිෂ්පාදනය සඳහා වූ ගෝල්ඩන් ඩිසයින් සම්මාන උළෙලේදී සම්මාන හතරක් ලබා ගත්තාය.

ඇයගේ මංගල සිනමා අත්දැකීම ලැබුනේ 1973 දී අමරසේන කුමාරසිංහ විසින් අධ්‍යක්ෂණය කරන ලද මිරිගුව චිත්‍රපටයෙනි. එතැන් පටන් ඇය පොඩි විජේ, අධිෂ්ඨානය, මඩොල් ධූව, විරාගය, යහලු යෙහෙලි සහ ආදර හසුන ඇතුළු ප්‍රකට සිනමා නිර්මාණ ගණනාවකට දායක විය.

ඇය රූපවාහිනී නාට්‍ය 500 කට අධික සංඛ්‍යාවක රඟපා ඇත. ඉරට හඩන මල්, ඉර පායා, සන්නාලියනේ, නෑදෑයෝ, සිහින නිම්නය, සූර අසුර, දාමිනි ඒ අතර වේ. වැඩිම ටෙලි නාට්‍ය ගණනක රඟපෑ නිළිය ලෙසද ඇයට සම්මානයක් හිමි විය.

ඇයට උපහාර දැක්වීම සඳහා සංස්කෘතික දෙපාර්තමේන්තුව සහ ටවර් හෝල් රඟහල පදනම විසින් සංවිධානය කරන ලද මියුරි සමරසිංහ රංගභිනන්දන ප්‍රසංගය 2015 ඔක්තෝබර් 4 වන දින මරදාන ටවර් හෝල් රඟහලේදී පැවැත්විණි. සිය නාට්‍ය දිවියේ 50 වන සංවත්සරය පසුකර යද්දී ඇය සිය ජීවිත කතාව ලියා පොතක් වශයෙන් ප්‍රකාශයට පත් කළාය.



gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka