gossip lanka news line gossip lanka news line
gossip lanka gossip lanka gossip lanka gossip lanka gossip lanka

රට වැහුවා කියා කොරෝනා පැතිරීම නතර වුනේ නෑ.. දැන් කොරෝනා එක්ක ජීවත් වෙන්න ඕනෑ.. මීට වඩා භයානක තත්වයේ රටවල් පවා විවෘත කරලා තියෙන්නේ - ඇමති ප්‍රසන්න

හපාලන ආණ්ඩුව මෙන් වත්මන් ආණ්ඩුව ජාතික සම්පත් විකුණන්නේ නැතැයි සංචාරක ඇමති ප්‍රසන්න රණතුංග මහතා අවධාරණය කරයි.

ඔහු පෙන්වා දෙන්නේ විපක්ෂය සුපුරුදු පරිදි බොරු බිල්ලන් මවමින් ජනතාව නොමඟ යැවීමට කටයුතු කරමින් සිටින බවයි.

මිනුවන්ගොඩ ප්‍රාදේශීය ලේකම් කොට්ඨාශයේ “ගම සමඟ පිළිසඳර- වැඩ සමග යලි ගමට” වැඩසටහන ක්‍රියාත්මක කිරීම පිළිබඳව පැවැති සාකච්ඡාවෙන් අනතුරුව මාධ්‍යවේදීන් ඇසූ ප්‍රශ්න වලට පිලිතුරු දෙමින් ඇමතිවරයා මේ බව සඳහන් කලේය.

මෙහිදී මාධ්‍යවේදීන් ඇමතිවරයාට යොමු කල ප්‍රශ්න හා පිලිතුරු මෙසෙයි.

ප්‍රශ්නය – 26 වෙනිදාට ස්ථීර වශයෙන්ම ගුවන්තොටුපල විවෘත කෙරෙනවාද ?

උත්තරය – ඔව් සියල්ල සූදානම්. විශේෂ ගුවන්යානා ලංකාවට ගෙන්නන්න. පූර්ව සූදානමක් ඇතිව අපි කටයුතු කරගෙන යනවා. අපි සංචාරකයන්ට තමයි රට විවෘත කරන්නේ. මුලින්ම විශේෂ ගුවන්යානා ගෙනල්ලා ඊට පස්සේ වාණිජ ගුවන්යානා වලට ඉඩදෙනවා.

ප්‍රශ්නය – සංචාරකයන් නිරෝධායනය කරනවාද?

උත්තරය – සංචාරකයෝ ලංකාවට එන්න පැය 72කට කලින් පී.සී.ආර්. එකක් කරන්න ඕනෑ. ඊළඟට දවස් 5ත් 7ත් අතර කාලයේදී තව පී.සී.ආර්. පරීක්ෂණයක් සිදු කෙරෙනවා. මේවා කෙරෙන්නේ ඒ අයගේ වියදමෙන්.

ප්‍රශ්නය – නිරෝධායනය කටයුතු අවසන් වුණාම ඔවුන්ට රට තුල සංචාරය කල හැකි ද?

උත්තරය – පී.සී.ආර්. නෙගටිව් නම් ඒ අයට සංචාරය කරන්න පුළුවන් .අපි මුලින් හඳුනාගෙන ප්‍රකාශයට පත් කර තිබෙන සංචාරක කලාප වල. ඔවුන්ට ඒ සංචාරය කරන්න වෙන්නේ අප විසින් නියම කරනු ලබන වෙලාවක. ඒ වෙලාවට අපි ඒ ස්ථාන සංචාරකයන්ට පමණයි විවෘත කරන්නේ.

ප්‍රශ්නය – සංචාරක හෝටල් ලෑස්තිද?

උත්තරය – සංචාරක හෝටල් අපි හඳුනාගෙන තිබෙනවා. සෞඛ්‍ය මාර්ගෝපදේශ අනුව කටයුතු කරන්න. සංචාරකයන් එන හෝටල් අපි කලින් හඳුනාගන්නවා. ප්‍රදේශයේ PHI මහත්වරු ඇතුළු සෞඛ්‍ය බලධාරීන් අවශ්‍ය පියවර ගන්නවා.

ප්‍රශ්නය – සාමාන්‍ය ජනතාවට ඒමේ හැකියාව කොහොමද?

උත්තරය – ඒ අයට එන්න පුළුවන් කිසිම ප්‍රශ්නයක් නෑ. මෙච්චරකල් විදේශ කටයුතු අමාත්‍යංශයේ අනුමැතිය ගන්න ඕන වුනත් දැන් ඒක නෑ. ඒ නිසා අවශ්‍ය අයට ලංකාවට එන්න බාධාවක් නෑ.

ප්‍රශ්නය – සංචාරකයෝ ආවොත් රටේ කොවිඩ් වැඩිවෙයි කියලා විපක්ෂය කියනවා.

උත්තරය – රට වැහුවයි කියලා කොවිඩ් පැතිරීම නතර වුනේ නෑනේ. සෞඛ්‍ය උපදෙස් අනුවයි අපි කටයුතු කරන්නේ. අපි දැන් කොවිඩ් එක්ක ජීවත් වෙන්න ඕන. රට වහලා ආර්ථිකය ගොඩගන්න බෑ. සංචාරක ක්ෂේත්‍රයට සෘජුව දායක වන මිලියන 2.5ක් විතර මේවෙනකොට ඉතාම දුක්ඛිත තත්වයට පත්වෙලා ඉන්නේ. මීට වඩා භයානක තත්වයේ තිබෙන රටවල් පවා රට විවෘත කරලා තිබෙනවා.

ප්‍රශ්නය – අවුරුද්දක් ගෙවිලත් රටට වෙච්ච වැඩක් නෑ කියලයි විපක්ෂය කියන්නේ ?

උත්තරය – විපක්ෂයට ඕන දෙයක් කියන්න පුළුවන්. අපි දැන් වැඩ පටන් අරන් තියෙන්නේ. විපක්ෂය හැමදාම කෙටි කාලයකට චූන් එකක්, ආතල් එකක් ගන්නවා. විපක්ෂය අවුරුදු හතරක් බලයේ ඉඳලත් මොනවද කලේ. විපක්ෂය විනාශ කරපු රට අපි යලිගොඩ නගමින් තිබෙනවා. ඒ අය රට විකුණුවා. අපේ ආණ්ඩුව කවදාවත් ජාතික සම්පත් විකුණන්නේ නෑ.

ප්‍රශ්නය – විපක්ෂය කියන්නේ ඉදිරියේදී එන ඕනෑම මැතිවරණයක් ඔවුන් දිනනවා කියලයි.

උත්තරය – සිහින දැකීමේ අයිතිය ඕනෑම කෙනෙකුට තිබෙනවා. අපි ඒ අයිතියට ගරු කරනවා.

– ප්‍රදීප් අනුර කුමාර


gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka