gossip lanka news line gossip lanka news line
gossip lanka gossip lanka gossip lanka gossip lanka gossip lanka

කාදිනල් හිමිගේ කතාවෙන් පාර්ලිමේන්තුව ඇවිලෙයි

පාස්කු බෝම්බ ප්‍රහාරය සම්බන්ධයෙන් වගකිවයුතු පුද්ගලයන්ට දඬුවම් දීම නිසි ලෙස සිදු නොවන්නේ නම් වත්මන් ආණ්ඩුව සම්බන්ධයෙන් විකල්ප ක්‍රියාමාර්ගයකට එළැඹීමට සිදුවන බවට අගරදගුරු මැල්කම් රංජිත් කාදිනල්තුමා කළ ප්‍රකාශය මුල්කරගෙන මේ වනවිට පාර්ලිමේන්තුවේ විශාල උණුසුමක් මතුව තිබේ.

මේ සම්බන්ධයෙන් සමගි ජන බලවේගයේ පාර්ලිමේන්තු මන්ත්‍රී නිරෝෂන් පෙරේරා කළ ප්‍රශ්න කිරීමෙන් අනතුරුව ඊට ආණ්ඩුව නියෝජනය කරමින් නිමල් ලාන්සා, නාමල් රාජපක්ෂ යන මැතිඇමැතිවරුන් පිළිත්‍රරු ලබා දීමට පියවර ගැනීමත් සමග තත්ත්වය උණුසුම් විය.

ඉන් පසු සමගි ජන බලවේගයේ හරීන් ප්‍රනාන්දු මහතාද සංවාදය තවත් උණුසුම් කරමින් අදහස් දක්වන ආකාරයක් දැකගත හැකි විය.

පසුගිය දිනෙක සමගි ජන බලවේගය පාර්ලිමේන්තු මන්ත්‍රී කාවින්ද ජයවර්ධන මහතා කාදිනල් හිමිපාණන් අගරදගුරු නිල නිවසේ දී මුණගැසී තිබුණු අතර එහිදී හිමිපාණන් විසින් පාස්කු ප්‍රහාරයේ විමර්ශන සම්බන්ධයෙන් ආන්දෝලනාත්මක අදහස් කිහිපයක් ඉදිරිපත් කර තිබිණ.

පාස්කු බෝම්බ ප්‍රහාරය සම්බන්ධයෙන් විමර්ශන එළඹෙන විසි වෙනිදා අවසන් වීමට නියමිත බව පුවත්පතක වාර්තා වූ බවද උන්වහන්සේ සඳහන් කළහ.

නමුත් මෙම ප්‍රහාරයට මුදල් ලබා දීම අනුග්‍රහය දැක්වීම ආදිය සම්බන්ධයෙන් සෑහීමකට පත්විය හැකි ප්‍රමාණයක විමර්ශනයක් සිදුවන්නේ දැයි ප්‍රශ්නයක් ඇතැයිද කාදිනල්තුමා කියා සිටියහ.

කෙසේ හෝ මෙම විමර්ශන පසුපසට තල්ලු නොකරන ලෙසද ඉල්ලා සිටි උන්වහන්සේ දේශපාලන ඩීල් මගින් මෙම සිදුවීම පාපිස්ස යට දමා සැඟවීමට කිසිදු උත්සාහයක් දැරිය යුතු නැතැයිද කියා සිටියහ.

නිසි ලෙස මෙම කටයුතු සිදු කෙරෙන්නේ නම් වෙනත් කණ්ඩායම් වලට වගකීම බාර දීමට සිදුවන බවත් එසේ වුවහොත් මේ රජය සම්බන්ධ ඇති විශ්වාසය නම් බිඳ වැටෙන බව ද ඒ හිමියන් තවදුරටත් කියා සිටියහ.


gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka