gossip lanka news line gossip lanka news line
gossip lanka gossip lanka gossip lanka gossip lanka

19 සතිඅටෙන් ඉවරයි: ජනපති ධූර කාලයෙත් වෙනසක්

ආණ්ඩුක්‍රම ව්‍යවස්ථාවේ 19 වැනි සංශෝධනය අහෝසි කිරීම සඳහා වන 20 වැනි ව්‍යවස්ථා සංශෝධන යෝජනාව නව රජයේ දෙවැනි කැබිනට් මණ්ඩලයට ඉදිරිපත් කිරීමට සැලැසුම්කර ඇතැයි වාර්තා වේ.

ඉදිරි සති අටක කාලය තුළ එය පාර්ලිමේන්තුවෙන් සම්මත කරගැනීමටද රජය තීන්දු කර ඇති බව පැවසේ.

දැනට මෙම ව්‍යවස්ථා සංශෝධනය සිදු කිරීමට අවශ්‍ය නීති ලේඛන සැකසීම ආරම්භ කර ඇති බව වාර්තා වේ.

ඉන්පසුව වසර දෙකක කාලයක් තුළ නව ආණ්ඩුක්‍රම ව්‍යවස්ථාවක් සම්පාදනය සඳහාද රජය තීන්දුවක් ගෙන ඇත.

අභිනව අධිකරණ අමාත්‍ය අලි සබ්‍රි මහතා වත්මන් ව්‍යවස්ථාව සංශෝධනයට අදාළ මූලික කෙටුම්පත මේ වනවිටත් සකස් කර අවසන් බවද මේ අතර වාර්තා වේ.

19 වැනි ව්‍යවස්ථා සංශෝධනය අහෝසි කිරීමත් සමඟ 18 වැනි ව්‍යවස්ථා සංශෝධනය ක්‍රියාත්මක කිරීමට නියමිතය.

එහෙත් එහි ප්‍රධාන වගන්ති ගණනාවක්ද සංශෝධනය කිරීමට නියමිත බව වාර්තාවන අතර ජනාධිපතිවරයාගේ ධුර කාලය 18 වැනි සංශේධනය අනුව වසර 6කි.

එසේ වුවත් 20 වැනි සංශෝධනය මගින්ද එය (19 වැනි සංශෝධනයේ සඳහන් ආකාරයට) වසර 5කට සීමා කිරීමට නියමිත බව වාර්තා වේ.

එසේම ජනාධිපති ධුරයට තරග කළ හැකි වාර ගණන 19 වැනි සංශෝධනයේ තිබූ ආකාරයටම වාර දෙකකට සීමා කෙරෙන විධිවිධාන 20 වැනි සංශෝධනයට ඇතුළත් බව වාර්තා වේ.

ස්වාධීන කොමිෂන් සභාවල බලතල පූර්ණ වෙසකකට ලක් කිරීමකට ද සැරසෙන බව වාර්තා වේ.

එසේම රජයේ උසස් නිලතලවලට සුදුස්සන් පත් කෙරෙන ආණ්ඩුක්‍රම ව්‍යවස්ථා සභාවේ පත්කිරීම් හා සංයුතියද වෙනස් කිරීමට නියමිත බව පැවසේ.

ව්‍යවස්ථා සභාව සහ ස්වාධීන කොමිෂන් සභා සම්බන්ධව බල පවත්වන්නේ 17 වැනි ව්‍යවස්ථා සංශෝධනය මගින් ස්ථාපිත කරන ලද ක්‍රමවේදය නැවත ක්‍රියාවට නැංවීමට සැරසෙන බවද වාර්තා වේ.

එවිට එම තනතුරුවලට පත් කිරීමේ වැඩි වගකීම ජනාධිපතිවරයාටම පැවරීමට නියමිතය.

ස්වාධීන කොමිෂන් සභා සම්පූර්ණයෙන් අහෝසි කිරීමට මෙතෙක් යෝජනා වී නොමැති බවද මේ අතර වාර්තා වේ.

තොරතුරු දැනගැනීමේ කොමිසමට අදාළ වගන්ති නොවෙනස්ව ක්‍රියාත්මක කිරීමට සැලැසුම් කර ඇතත් අතුරුදන්වූවන්ගේ කොමිසම සම්බන්ධ විශේෂ තීරණ ගණනාවක් ගැනීමට නියමිත බව පැවසේ.

එසේම පොලිස් කොමිසම, අල්ලස් කොමිසම, මැතිවරණ කොමිසම හා මානව හිමිකම් කොමිසමේ බලතල සෑහෙන පමණ සංශෝධනය කිරීමට සූදානම් බවද වාර්තා වේ.

නව ව්‍යවස්ථා සංශෝධනයත් සමඟ ජනාධිපතිවරයාට අමාත්‍ය පදවි දැරීමට නීතිමය අවසරය හිමිවන අතර ද්විත්ව පුරවැසියන්ට මැතිවරණ තරග කිරීමට තිබූ නීතිමය බාධාවන්ද ඉවත් කිරීමට නියමිතය.

-srilankamirror
gossip lanka gossip lanka gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka