gossip lanka news line gossip lanka news line
gossip lanka gossip lanka gossip lanka gossip lanka

පොකුරුවලින් පිට සාමාන්‍ය සමාජයේ කොරෝනා රෝගීන් සිය ගණනක වාර්තාවක් වෛද්‍යවරුන් රජයට දීලා !

ජයේ මැතිවරණ කටයුතු හදිසියේ නවත්වා දැමුවේ කුමන හේතුවක් නිසාදැයි පැහැදිලි ප‍්‍රකාශයක් සිදුකළ යුතු බව සමගි ජන බලවේග මහනුවර දිස්ති‍්‍රක් නායක ලක්ෂ්මන් කිරිඇල්ල මහතා මහනුවරදි විශේෂ මාධ්‍ය හමුවක් කැදවමින් ප‍්‍රකාශ කළේය.

කොරෝනා යම්කිසි මට්ටමකට පාලනය කර ඇතැයි රජය පැවසූවත් තමා මීට පෙර සඳහන් කර පරිදිම රජයේ සංඛ්‍යා ලේඛන පිළිබඳව කිසිදු විස්වාසයක් නොමැති බවත් සත්‍ය තත්වය ජනතාවට පැවසිය යුතුයැයි ඒ මහතා වැඩිදුරටත් ප‍්‍රකාශ කළේය.

මෙහිදි මාධ්‍ය හමුව අමතා අදහස් ප‍්‍රකාශ කල කිරිඇල්ල මහතා,

අපි දුටුවා පොදුජන පෙරමුණ නිවේදනයක් නිකුත් කරලා තිබුණා මැතිවරණ ප‍්‍රචාරක කටයුතු නවත්වා දැමීම පිළිබදව. ආණ්ඩුව මැතිවරණ සටන අත්හැරලාද ? මේක ප‍්‍රහේළිකාවක්. හදිසියේ මැතිවරණ සටන අත්හැරීමට බලපෑ සත්‍ය හේතුව කුමක්දැයි රජය ජනතාවට පැහැදිලි කල යුතුයි. ජනතාවගෙන් කරුණු හංගන්න එපා. අපි මුල සිටම පැවසූවා රජයේ සංඛ්‍යාලේඛන පිළිබඳව කිසිදු විස්වාසයක් නැහැ කියලා. මම රූපවාහිනි වැඩසහනකදීත් මේ බව ප‍්‍රකාශ කළා. නමුත් රජය ප‍්‍රකාශ කළා සංඛ්‍යාලේඛන නිවැරදියි කොරෝනා දැන් පාලන මට්ටමක තිබෙන්නේ කියා. නමුත් එදා අපි කිව්ව දේ අද ඇත්ත වෙලා තියෙනවා.

රජය කුමක් පැවසූවත් අද කොරෝනා නැවත සමාජගත වෙලා තිබෙනවා. අපි දුටුවා අයි.ඞී.එච්. රෝහලේ වෛද්‍යවරු ප‍්‍රකාශයක් නිකුත් කරලා තිබුණා ඔවුන් පොකුරු රෝගින්ගෙන් පිට කොරෝනා රෝගින් සිය ගණනකගේ වාර්තාවක් රජයට ලබාදී තිබෙනවා කියා. නමුත් රජය එම වාර්තා ප‍්‍රතික්ෂේප කරලා තිබෙනවා. එම ප‍්‍රතික්ෂේප කිරිමෙන් පැහැදිලි වන්නේ රජයට මෙම තොරතුරු සැගවීමේ අවශ්‍යතාවයක් තිබෙන බව. හොඳම උදාහරණය රජය මැතිවරණයට නාමයෝජනා කැදවනතෙක් කොරෝනා අවදානම ගැන ජනතාවට පැවසූවේ නැහැ. නමුත් නාමයෝජනා භාරගැනීමෙන් පසු රට වසා දැමුවා. එදත් රජය නාමයෝජනා වෙනුවෙන් තොරතුරු සැගවූවා. අදත් රජය මැතිවරණය වෙනුවෙන් තොරතුරු සගවනවාද ?

සෙෘඛ්‍ය අමාත්‍යතුමිය වරෙක පැවසූවා අපේ‍්‍රල් 19 කොරෝනා ඉවරයි කියලා. උපහාර උත්සව පවා පැවැත්වූවා. අපි එදා ඉදන්ම කිව්වේ මැතිවරණය කල් දාමු කියලා. නැවත පාර්ලිමේන්තුව කැදවලා මේ සෞඛ්‍ය වාර්තා ගැන විවාදයක් කරලා සංඛ්‍යාලේඛන වල සත්‍යතාව පැහැදිලි කරගමු කියා. නමුත් රජය ඇහුම්කන් දුන්නේ නැහැ. එදා රජය කිව්වේ අපි මැතිවරණයට බය නිසා පාර්ලිමේන්තුව නැවත කැදවන්න උත්සාහ කරනවා කියලා. නමුත් අද රජය කිසිදු හේතුවක් පවසන්නේ නැතිව මැතිවරණ කටයුතු නවත්වලා.

ඒ වගේම මැතිවරණ කොමසාරිස්වරයා ප‍්‍රකාශ කරලා තිබුණා මැතිවරණය පැවැත්වීමේ සෞඛ්‍ය උපදේශන මාලාව. ඇයි රජය මේක ගැසට් කරන්නේ නැත්තේ ? ගැසට් කලානම් රජයට අවශ්‍ය විදිහට මැතිවරණ ව්‍යාපාරය කරගෙන යන්න බැහැ. සෞඛ්‍ය උපදේශන මාලාව ගැසට් කලානම් රජය වුනත් මැතිවරණ නීති කඩකලොත් මැතිවරණ කොමසාරිස්ට බලය තිබෙනවා මැතිවරණ නීතිය අනුව ඒ අයට විරුද්ධව කටයුතු කරන්න. මොකද ඒ යටතේ රැස්වීමකට සහභාගි කරවන්න පුඑවන් 100ක පිරිසක් පමණයි. අද ඒ නීතිය වැඩිදුරම කඩකරන්නේ ජනාධිපතිතුමයි අගමැතිතුමයි.

– මාධ්‍ය ඒකකය


gossip lanka gossip lanka gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka