gossip lanka news line gossip lanka news line
gossip lanka gossip lanka gossip lanka gossip lanka gossip lanka

ටැක්සි සමාගම් 2කට පමණක් අවසර දුන්නැයි පොලිස්පතිට එරෙහිව අල්ලස් කොමිසමට පැමිණිල්ලක්

ජය සහ පොලිස්පතිවරයා විසින් ත්‍රිරෝද රථ වෘත්තිකයින්ව නොසලකා හරිමින් ටැක්සි සමාගම් දෙකකට පමණක් මගී ප්‍රවාහනයට අවසර ලබාදීම සම්බන්ධයෙන් ලංකා ස්වයං රැකියා නියුක්තිකයින්ගේ ජාතික ත්‍රිරෝද රථ සංගමයේ සභාපති සුනිල් ජයවර්ධන මහතා විසින් ඊයේ (15) අල්ලස් හෝ දූෂණ විමර්ශන කොමිසමට පැමිණිල්ලක් ඉදිරිපත් කර තිබේ.

"ලංකාවේ වෘත්තීය ත්‍රීරෝද රථ ලක්ෂ අට හමාරක් මගී ප්‍රවාහන සේවයේ යෙදෙනවා. මේ ත්‍රීරෝද රථ වෘත්තිකයින්ව පිළිගැනීමකට, ඔවුන්ගේ රැකියාව පිළිගැනීමකට ලක් නොකර රජය විසින්, රජයේ නිලධාරීන් විසින්, විශෙෂයෙන් පොලිස්පතිතුමා විසින් නිවේදනයක් නිකුත් කරලා තියෙනවා ආයතන දෙකක්, ටැක්සි කොම්පැනි දෙකක් නම් කරලා ඒ ආයතන දෙකෙන් මගී ප්‍රවාහනයෙහි යෙදෙන්න, ඒවායේ සේවය ලබාගන්න කියලා.

මේ කරපු ප්‍රකාශයත් එක්ක වෘත්තීය ත්‍රිරෝද රථ රියදුරන්ට විශාල අසාධාරණයක් සිද්ධ වුණා. අපි ඉතාමත්ම ගෞරවයෙන් ඉල්ලා සිටිනවා රජයෙන් සහ නිලධාරීන්ගෙන් තමන්ට හිතෙන හිතෙන විදියට ප්‍රකාශ නිකුත් කරලා මේ වෘත්තියේ අයිතිවාසිකම අපෙන් පැහැර ගන්න එපා.

මේ වෙනකොට ත්‍රීරෝද රථ වෘත්තිකයින් විශාල ආර්ථික ප්‍රශ්නෙකට මුහුණ පාලා තියෙනවා. අර දෙනවයි කියන සහන අපට නෑ, දෙනවයි කියපු ලීසීං සහනය අපට නෑ, දෙනවයි කියපු රුපියල් 5000 නෑ. මේ වෙනකොට වෘත්තීය ත්‍රිරෝද රථ රියදුරා කරකියාගන්න දෙයක් බැරුව තමන්ගේ දරුවන් සමඟ දහදුක් විඳිනවා.

ත්‍රිරෝද රථය අරගෙන අද පාරට ආවාම කොම්පැනිකරුවන්ට මගී ප්‍රවාහනයේ යෙදෙන්න පුළුවන්, අපේ වෘත්තිකයාට පොලිසියෙන් දඩකොළ දෙන්න, ගහන්න, තර්ජනය කරන්න, බනින්න ක්‍රියාත්මක වෙලා තියෙනවා. මොකද්ද මේ කරුමේ ?" යනුවෙනුයි ඒ මහතා සඳහන් කළේ.

ඒ මහතා මේ බව පැවසුවේ මේ පිළිබඳව අල්ලස් හෝ දූෂණ විමර්ශන කොමිසමට පැමිණිලි කිරීමෙන් අනතුරුව මාධ්‍ය වෙත අදහස් දක්වමිනි.


gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka