gossip lanka news line gossip lanka news line
gossip lanka gossip lanka gossip lanka gossip lanka

සෝමාලියාවේ ණය ගෙවන්න ශ්‍රී ලංකාව රුපියල් මිලියන 163ක් දෙන්න කැබිනට් අනුමැතිය

ජාත්‍යන්තර මුල්‍ය අරමුදල සඳහා සෝමාලියාව විසින් පියවිය යුතු හිඟ මුදල් නැවත පියවීමේ ප්‍රතිසංස්කරණ ක්‍රියාවලිය සඳහා සහය දැක්වීම සඳහා ශ්‍රී ලංකාව විසින් රුපියල් මිලියන 163 ක මුදලක් ලබාදීමට එකඟවී ඇති බව වාර්තා වනවා. මුදල් අමාත්‍යවරයා වශයෙන් අගමැති මහින්ද රාජපක්ෂ මහතා ඉදිරිපත් කරනු ලැබූ කැබිනට් යෝජනාවක් අනුව ඒ සඳහා අමාත්‍ය මණ්ඩල අනුමැතිය හිමිවී තිබෙනවා.
ජාත්‍යන්තර මුල්‍ය අරමුදලෙහි අපහසුතා බෙදා ගැනීමේ ක්‍රමවේදය අනුව විවිධ හේතුන් මත සාමාජිකයින් විසින් ගාස්තු නොගෙවීම නිසා අරමුදලට අහිමිවන ආදායම ප්‍රතිපුරණය කිරිම සඳහා මෙම ක්‍රියාවලිය සකස් කොට ඇත.

ඒ අනුව අරමුදලෙහි විධායක සභාව විසින් 2019 දෙසැම්බර් මාසයේදී අනුමත කරන ලද සෝමාලියාවේ හිඟ මුදල් පියවීමේ සහ ණය සහන පැකේජය සඳහා සාමාජික රටවල අභ්‍යන්තර සම්පත් සම්පුර්ණ වශයෙන් හෝ කොටසක දායකත්වයක් දක්වන මෙන් ඉල්ලීමක් කර ඇත.

ඒ සඳහා ශ්‍රී ලංකාවේ දායකත්වය ලබා දීම සඳහා මහ බැංකුව සහ විදේශ සබදතා අමාත්‍යාංශය විසින් එකඟතාවය පළ කොට ඇත.

ඒ අනුව රුපියල් මිලියන 163 කට සමාන මුදලක් ශ්‍රී ලංකාවේ සමස්ත දායකත්වය ලෙස සෝමාලියාවේ පාලිත ගිණුම වෙත මාරු කිරිමට මුදල් ඇමතිවරයා ලෙස අගමැති මහින්ද රාජපක්ෂ මහතා ඉදිරිපත් කළ කැබිනට් පත්‍රිකාවට අමාත්‍ය මණ්ඩල අනුමැතිය හිමිව ඇත.

එමෙන්ම ඉකුත් ඉන්දීය සංචාරයේදී අගමැති මහින්ද රාජපක්ෂ මහතා නරේන්ද්‍ර මෝදී අගමැතිවරයා ගෙන් ඉල්ලා සිටියේ ලංකාවට ලබාදී ඇති ණය අයකර ගැනීමේ ක්‍රියාවලිය වසර තුනකට නතර කරන ලෙසයි.

එම කැබිනට් තීරණ දැනුම් දීම පහතින්

ජාත්‍යන්තර මූල්‍ය අරමුදලෙහි (IMF) සාමාජික රටවල දායකත්වය සහිත අභ්‍යන්තර සම්පත් ප්‍රදානයක් ලෙස භාවිතා කරමින් සෝමාලියාවේ ප්‍රතිසංස්කරණ ක්‍රියාවලියට සහාය දැක්වීම පිණිස පිහිටුවීමට අපේක්ෂිත හිඟ මුදල් පියවීමේ සහ ණය සහන පැකේජය සඳහා ශ්‍රී ලංකාවේ දායකත්වය ලබා දීම.

ජාත්‍යන්තර මූල්‍ය අරමුදලෙහි අපහසුතා බෙදා ගැනීමේ ක්‍රමවේදය (Burden Sharing Mechanism) එහි විධායක මණ්ඩලය මඟින් 1986 දී අනුමත කරන ලද ප්‍රතිපත්තියක් වන අතර, විවිධ හේතුන් මත සාමාජිකයින් විසින් ගාස්තු නොගෙවීම නිසා අරමුදලට අහිමි වන ආදායම ප්‍රතිපූරණය කිරීම පිණිස මෙම ක්‍රමවේදය සකස් කරනු ලැබ ඇත. ඒ අනුව, අරමුදලෙහි විධායක සභාව විසින් 2019 දෙසැම්බර් මාසයේදී අනුමත කරන ලද සෝමාලියාවේ හිඟ මුදල් පියවීමේ සහ ණය සහන පැකේජය සඳහා සාමාජික රටවල අභ්‍යන්තර සම්පත් සම්පූර්ණ වශයෙන් හෝ කොටසක් දායක කරන මෙන් අරමුදල විසින් සාමාජික රටවලින් ඉල්ලීමක් කරනු ලැබ ඇත. ඒ සඳහා වන ශ්‍රී ලංකාවේ දායකත්වය ලබා දීම සම්බන්ධයෙන් ශ්‍රී ලංකා මහ බැංකුව සහ විදේශ සබඳතා අමාත්‍යාංශය විසින් එකඟතාව පළ කර ඇත. ඒ අනුව, රුපියල් මිලියන 163 කට සමාන මුදලක් ශ්‍රී ලංකාවේ සමස්ත දායකත්වය ලෙස සෝමාලියා පාලිත ගිණුම වෙත මාරු කිරීම පිණිස මුදල්, ආර්ථික සහ ප්‍රතිපත්ති සංවර්ධන අමාත්‍යතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.


gossip lanka gossip lanka gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka